English Tamil Hindi Telugu Kannada Malayalam
Wed. Aug 10th, 2022

డిశాకు చెందిన ద్రౌపది ముర్మూ ఎన్డీయే తరఫున రాష్ట్రపతి అభ్యర్థిగా ఎంపికైన విషయం తెలిసిందే. రాష్ట్రపతి ఎన్నికల ఓట్లకు సంబంధించిన ఎలక్ట్రోరల్ కాలేజీలో ఎన్డీయేకు 48 శాతం ఓటు షేర్ ఉంది. ఈ నేపథ్యంలో ఒకట్రెండు ప్రాంతీయ పార్టీల మద్దతుతో రాష్ట్రపతి ఎన్నికల్లో సులభంగానే నెగ్గగలరు. అంటే.. రాష్ట్రపతి ఎన్నికల్లో ఆమె గెలుపు లాంఛనమే అన్నమాట. అలాంటి వ్యక్తి తన నిరాడంబరతను చాటుకున్నారు. రాష్ట్రపతి అభ్యర్థిగా తన పేరును ప్రకటించిన తర్వాత శివాలయానికి వెళ్లిన ద్రౌపది ముర్ము.. స్వయంగా చీపురు పట్టి ఆలయ ప్రాంగణాన్ని శుభ్రం చేశారు. ఇప్పటికే అనేక పదవులు చేపట్టిన ఆమె.. ఆ హోదాల్నీ పక్కన పెట్టి, ఈ తరహాలో తన భక్తిభావాన్ని చాటుకోవడం విశేషం. ద్రౌపది ముర్ము చీపురు పట్టి ఆలయాన్ని శుభ్రం చేస్తున్న వీడియో ప్రస్తుతం ఇంటర్నెట్‌లో వైరల్‌గా అవుతోంది. ద్రౌపది ముర్ముపై సామాన్యుల నుంచి సెలబ్రిటీల వరకు ప్రశంసల వర్షం కురిపిస్తున్నారు.

ద్రౌపది ముర్మూ బుధవారం (జూన్ 22) తన స్వరాష్ట్రం ఒడిశాలోని మయూర్‌భంజ్‌ జిల్లా రాయ్‌రంగ్‌పుర్‌లోని శివాలయానికి వెళ్లారు. గుడిలో నేరుగా దేవుడి దర్శనానికి వెళ్లకుండా.. ఆలయ ప్రాంగణాన్ని శుభ్రపరిచారు. ఆ తర్వాత ప్రత్యేక పూజలు నిర్వహించారు. ఎమ్మెల్యేగా, మంత్రిగా, గ‌వ‌ర్నర్‌గా కీల‌క ప‌ద‌వుల‌ను చేప‌ట్టిన ఆమె తాజాగా దేశ అత్యున్నత పీఠం రాష్ట్రప‌తి ప‌ద‌వి రేసులో నిలిచారు. అయినా త‌న మూలాల‌ను మ‌ర‌వ‌ని ముర్మూ.. త‌న సొంతూళ్లో శివాల‌యాన్ని ఇలా శుభ్రం చేశారు.

మయూర్‌భంజ్ జిల్లాలోని సంతాల్ ఆదివాసీ తెగలో ద్రౌపది ముర్మూ జన్మించారు. మారుమూల ప్రాంతంలో, పేద కుటుంబంలో జన్మించిన ఆమె ఎంతో కష్టపడి డిగ్రీ పూర్తి చేశారు. భువనేశ్వర్‌లోని రమాదేవి మహిళా కాలేజీలో ఆమె బీఏ చదివారు. ఇప్పుడది యూనివర్సిటీగా రూపాంతరం చెందింది. తొలినాళ్లలో ఆమె టీచర్‌గా పని చేశారు. 1997లో రాజకీయ ప్రస్థానాన్ని ప్రారంభించారు.

2015 నుంచి 2021 మధ్య ద్రౌపది ముర్మూ జార్ఖండ్ గవర్నర్‌గా పని చేశారు. అంతకు ముందు ఒడిశాలోని రాయిరంగాపూర్ నుంచి బీజేపీ తరఫున రెండుసార్లు ఎమ్మెల్యేగా గెలుపొందారు. 2000 నుంచి 2004 మధ్య నవీన్ పట్నాయక్ ప్రభుత్వంలో మంత్రిగానూ పని చేశారు. 2007లో ఉత్తమ శాసన సభ్యురాలిగా ఎన్నికయ్యారు.

Source link

For more news update stay with actp news

Android App

Facebook

Twitter

Dailyhunt

Share Chat

Telegram

Koo App

Leave a Reply

Your email address will not be published.