English Tamil Hindi Telugu Kannada Malayalam
Wed. Aug 10th, 2022

భారత ఉపరాష్ట్రపతి (India New Vice President) ఎన్నికలు ముగిశాయి. ఈ ఎన్నికలో ఉపరాష్ట్రపతిగా జగదీప్ ధన్‌కర్ ఘన విజయం సాధించారు. మొత్తం పోలైన 725 ఓట్లలో 528 ఓట్లను ఆయన కైవసం చేసుకున్నారు. విపక్షాల అభ్యర్థి మార్గరెట్ అల్వాకు కేవలం 182 ఓట్లు మాత్రమే వచ్చాయి. కాగా జగదీప్ ధన్‌కఢ్ ఎన్నికవ్వడంతో ప్రధాని నరేంద్ర మోదీ శుభాకాంక్షలు తెలియజేశారు. కాగా జగదీప్ ధన్‌కర్ లాయర్‌గా మొదలై ఉపరాష్ట్రపతి స్థాయికి ఎదిగారు.

 

Jagdeep Dhankhar

ప్రధానాంశాలు:

  • ముగిసిన ఉపరాష్ట్రపతి ఎన్నికలు
  • జగదీప్ ధన్‌కర్‌కు 528 ఓట్లు
  • ఎన్నో కీలక పదవులను నిర్వర్తించిన జగదీప్
India New Vice President: ఉపరాష్ట్రపతి ఎన్నికలు ముగిశాయి. కొత్త వైస్ ప్రెసిడెంట్‌గా NDA అభ్యర్థి జగదీప్ ధన్‌కర్ (Jagdeep Dhankar) గెలుపొందారు. ఈ విషయాన్ని లోక్‌సభ జనరల్ సెక్రటరీ ఉత్పల్ కె.సింగ్ అధికారికంగా ప్రకటించారు. ఈ మేరకు జగదీప్ ధన్‌కర్‌కు ప్రధాని నరేంద్ర మోదీ శుభాకాంక్ష్లు తెలియజేశారు. పశ్చిమ బెంగాల్ మాజీ గవర్నరైన జగదీప్ ధన్‌కర్.. ప్రతిపక్ష అభ్యర్థి మార్గరెట్ అల్వాపై 346 ఓట్ల భారీ తేడాతో ఘన విజయం సాధించారు. మొత్తం పోలైన 725 ఓట్లలో 528 ఓట్లను ఆయన సొంతం చేసుకున్నారు. 15 ఓట్లు చెల్లలేదు.

అయితే ధన్‌కర్‌పై విపక్షాల అభ్యర్థిగా పోటీ చేసిన మార్గరెట్ ఆల్వాకు కేవలం 182 ఓట్లు మాత్రమే వచ్చాయి. మొత్తం 725 మంది ఎంపీలు ఓటు హక్కు వినియోగించుకున్నారు. 92.94 శాతం పోలింగ్ నమోదైనట్టు ఉత్పల్ కె సింగ్ తెలిపారు. పోలింగ్ ఉదయం పది గంటలకు ప్రారంభమై సాయంత్రం ఐదు గంటలకు ముగిసింది. ఆరు గంటలకు కౌంటింగ్ మొదలైంది. ఓట్లు లెక్కింపు పూర్తయ్యాక జగదీప్ ధన్‌కర్ గెలుపును ప్రకటించారు. ఇదిలా ఉండగా టీఎంసీ ఓటింగ్‌కు దూరంగా ఉంది. 34 మంది టీఎంసీ ఎంపీలు ఓటు వేయలేదు. ఈ పోలింగ్‌లో ప్రధాన మంత్రి నరేంద్ర మోదీ, లోక్‌సభ స్పీకర్ ఓం బిర్లాతో సహా ప్రముఖుల అందరూ ఉదయమే తమ ఓటు హక్కును వినియోగించుకున్నారు.

జగదీప్ ధన్‌కర్ ప్రస్థానం…
జగదీప్ ధన్‌కర్ 1951లో మే 18న రాజస్థాన్‌లోని కితానా అనే చిన్న గ్రామంలో జన్మించారు. ఉపరాష్ట్రపతి ఎన్నికల్లో పాల్గొనే ముందు వరకు ఆయన పశ్చిమ బెంగాల్ గవర్నర్‌గా బాధ్యతలు నిర్వర్తించారు. వృత్తిరీత్యా న్యాయవాది. రాజస్థాన్ హైకోర్టు, సుప్రీంకోర్టులో లాయర్‌గా ప్రాక్టీస్ చేశారు. 1989లో రాజకీయాల్లోకి వచ్చారు. అదే సంవత్సరం రాజస్థాన్‌లోని జుంఝును నుంచి లోక్‌సభకు ఎన్నికై 1990లో కేంద్ర మంత్రి అయ్యారు. అతను 1993 నుంచి 1998 వరకు కిషన్‌గఢ్ నియోజక వర్గానికి ప్రాతినిథ్యం వహించారు. 2019 జూలై 2019లో పశ్చిమ బెంగాల్ గవర్నర్‌గా నియమితులయ్యారు. అప్పటి నుంచి రాష్ట్ర ప్రభుత్వం చేసే తప్పులను ఆయన ఎత్తిచూపుతూ వార్తల్లో నిలిచారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Source link

For more news update stay with actp news

Android App

Facebook

Twitter

Dailyhunt

Share Chat

Telegram

Koo App

Leave a Reply

Your email address will not be published.