English Tamil Hindi Telugu Kannada Malayalam Android App
Sun. Oct 2nd, 2022

ఢిల్లీలో ఒమిక్రాన్ (Omicron Sub Variant) కొత్త వేరియంట్‌ను గుర్తించినట్టు అధికారులు బుధవారం వెల్లడించారు. ఒమిక్రాన్ ఉపవర్గం బీఏ. 2.75 వేరియంట్‌ (BA-2.75 Variant) ను గుర్తించామని ఆయన తెలిపారు. జన్యు విశ్లేషణకు పంపిన 90 నమూనాల్లో కొత్త వేరియంట్‌ ఉన్నట్టు గుర్తించామని లోక్ నాయక్ జయప్రకాశ్ నారాయణ్ హాస్పిటల్‌ (LNJP Hospital) మెడికల్ డైరెక్టర్ డాక్టర్ సురేశ్ కుమార్ అన్నారు. ఈ కొత్త సబ్-వేరియంట్ అత్యంత వేగంగా వ్యాప్తి చెందగలదని, కోవిడ్ యాంటీబాడీలున్న వ్యక్తులకు కూడా వైరస్ బారినపడతారని పేర్కొన్నారు.

‘‘నివేదికలో ఒమిక్రాన్ సబ్-వేరియంట్ BA-2.75ను గుర్తించాం.. దీని వ్యాప్తి రేటు చాలా ఎక్కువ.. 90 మంది నమూనాలను జీనోమ్ సీక్వెన్సింగ్‌కు పంపగా వచ్చిన నివేదికను పరిశీలించగా కొత్త వేరియంట్ ఉన్నట్టు గుర్తించాం.. ఈ కొత్త ఉప-వేరియంట్ ఇప్పటికే యాంటీబాడీలను కలిగి ఉన్న వ్యక్తులు, కోవిడ్ వ్యాక్సిన్‌లను తీసుకున్న వారిపై కూడా దాడి చేస్తుంది’’ అని డాక్టర్ సురేశ్ తెలిపారు. దీని గురించి పూర్తి వివరాలు తెలియాల్సి ఉంది.

మరోవైపు, గత కొన్ని రోజులుగా రాజధాని ఢిల్లీలో గత పది రోజులుగా రోజువారీ కేసులు 2 వేలకుపైగానే నమోదవుతున్నాయి. పాజిటివిటీ రేటు కూడా 10 శాతానికి మించిపోయింది. ఈ నేపథ్యంలో కొత్త వేరియంట్ బయటపడటం ఆందోళనకు గురిచేస్తోంది. దేశవ్యాప్తంగా పాజిటివిటీ రేటు 4.94 శాతంగా నమోదైంది. దేశంలో కొత్త కేసుల సంఖ్య అదుపులోనే ఉన్నప్పటికీ.. ఢిల్లీలో పెరగడం కలవరం మొదలయ్యింది. కేసుల పెరుగుదలపై ముఖ్యమంత్రి అరవింద్‌ కేజ్రీవాల్‌ స్పందిస్తూ..ఎవరూ ఆందోళన చెందాల్సిన అవసరంలేదని భరోసా ఇచ్చారు. మరోవైపు, దేశంలో గడచిన 24 గంటల్లో 16 వేలకుపైగా కొత్త కేసులు బయటపడ్డాయి.

Source link

For more news update stay with actp news

Android App

Facebook

Twitter

Dailyhunt

Share Chat

Telegram

Koo App

Leave a Reply

Your email address will not be published.