English Tamil Hindi Telugu Kannada Malayalam Android App
Sun. Oct 2nd, 2022

బిహార్‌లో మరోసారి ‘మహాఘటబంధన్’ (Bihar Political Crisis) ప్రభుత్వం కొలువుతీరింది. రాజధాని పాట్నాలో మధ్యాహ్నం 2 గంటలకు రాజ్‌భవన్‌లో నిరాడంబరంగా జరిగిన కార్యక్రమంలో ముఖ్యమంత్రిగా నితీశ్ కుమార్ (Nitish Kumar), డిప్యూటీ సీఎంగా తేజస్వి యాదవ్ (Tejshwi Yadav) ప్రమాణస్వీకారం చేశారు. వీరితో గవర్నర్ ఫగు చౌహాన్ ప్రమాణస్వీకారం చేయించారు. ప్రమాణస్వీకారం అనంతరం తేజస్వీకి నితీష్ అభినందనలు తెలిపారు. ఈ సమయంలో నితీష్‌ పాదాలకు తేజస్వీ నమస్కరించే ప్రయత్నం చేయగా ఆయన వారించి నవ్వుతూ కరచాలనం చేశారు. బీజేపీతో తన ఉనికి ప్రశ్నార్ధకంగా మారుతుందని, జేడీయూను చీల్చేందుకు కుట్రలు పన్నుతోందని భావించిన నితీశ్ కుమార్.. ఎన్డీఏ కూటమి నుంచి బయటకు వచ్చిన విషయం తెలిసిందే. బీహార్ సీఎంగా నితీష్ ఎనిమిదో సారి బాధ్యతలు చేపట్టారు.

ముఖ్యమంత్రిగా ప్రమాణస్వీకారం చేసిన వెంటనే ప్రధాని మోదీ (PM Modi)ని టార్గెట్ చేస్తూ నితీశ్ కుమార్ విమర్శలు గుప్పించారు. వచ్చే ఎన్నికల్లో మోదీ గెలవలేరని, విపక్షాలన్నీ ఏకతాటిపైకి వస్తాయని నితీశ్ వ్యాఖ్యానించారు. విపక్షాలు ఐక్యంగా ఉంటే కేంద్రంలో బీజేపీని గద్దె దింపవచ్చని అన్నారు. తాను ప్రధాని అభ్యర్థిని కాదని అన్నారు. ‘‘2014లో గెలిచాడు.. 2024లో ఆయన గెలవగలడా? విపక్షాలన్నీ ఏకతాటిపైకి వస్తాయి.. నేను ప్రధాన మంత్రి అభ్యర్ధిని కాను.. 2014లో గెలిచిన వ్యక్తి 2024లో గెలుస్తాడా? అని ప్రశ్న అడగాల్సింది’’ అని అన్నారు.

2015 ఎన్నికల్లో మహాకూటమి నుంచి పోటీచేసిన నితీశ్ కుమార్.. ఏడాదిన్నర తిరక్కముందే బయటకు వచ్చారు. బీజేపీతో కలిసి ప్రభుత్వాన్ని ఏర్పాటుచేశారు. మళ్లీ ఐదేళ్లకు ఎన్డీఏ నుంచి బయటకొచ్చి.. మళ్లీ మహాకూటమితో జట్టుకట్టారు. ఈ నేపథ్యంలో నితీశ్ క్యాబినెట్‌లో నాలుగు మంత్రి పదవులతో పాటు స్పీకర్ పదవిని కాంగ్రెస్ ఆశించింది. అయితే, స్పీకర్ పదవిని ఇచ్చేందుకు విముఖత వ్యక్తం చేసిన నితీశ్.. ఆర్జేడీకి ఆ పదవిని ఇవ్వనున్నారు. మాజీ సీఎం జీతిన్ రామ్ మాంఝీ పార్టీ హెచ్ఏఎంకు ఒక మంత్రి పదవి దక్కనుంది. జేడీయూ నుంచి దాదాపు గత మంత్రివర్గంలో ఉన్న మంత్రులనే కొనసాగించే అవకాశం ఉంది.

నితీశ్ తన వద్దే హోం శాఖను అట్టిపెట్టుకోనున్నారు. గత ప్రభుత్వంలో బీజేపీ నిర్వహించిన మంత్రి పదవులు ఆర్జేడీకి దక్కే అవకాశాలున్నాయి. మొత్తం 243 మంది సభ్యులున్న బీహార్‌ అసెంబ్లీలో జేడీయూకు 43, ఆర్జేడీ 79, కాంగ్రెస్ 19, సీపీఐ (ఎంఎల్)కు 12, సీపీఐ, సీపీఎంలకు చెరో ఇద్దరు ఎమ్మెల్యేల బలం ఉంది. బీజేపీకి 77 మంది ఎమ్మెల్యేలు ఉన్నారు.

Source link

For more news update stay with actp news

Android App

Facebook

Twitter

Dailyhunt

Share Chat

Telegram

Koo App

Leave a Reply

Your email address will not be published.