English Tamil Hindi Telugu Kannada Malayalam Android App
Sun. Oct 2nd, 2022

బిహార్ ముఖ్యమంత్రి నితీశ్ కుమార్ (Nitish Kumar) ఎన్‌డీఏ(NDA) నుంచి బయటకొచ్చి ఆర్జేడీ (RJD), కాంగ్రెస్‌ (Congress)‌లతో ‘మహాఘట్‌బంధన్ 2.0’ ప్రభుత్వం ఏర్పాటు చేసినవ విషయం తెలిసిందే. బిహార్‌లో చోటుచేసుకున్న రాజకీయ పరిణామాలపై ఎన్నికల వ్యూహకర్త ప్రశాంత్ కిశోర్ (Prasanth kumar)ఆసక్తికర వ్యాఖ్యలు చేశారు. టైమ్స్ నౌ‌తో ఆయన బుధవారం మాట్లాడుతూ.. రాజకీయ అస్థిరతలో నూతన అధ్యాయం మొదలైందని వ్యాఖ్యానించిన పీకే… బీజేపీ విషయంలో నితీశ్ అసంతృప్తిగా ఉన్నారని, ఈ కారణంతోనే ఎన్‌డీఏ నుంచి వైదొలగారని అన్నారు. జేడీయూ, ఆర్జేడీల పునరేకీకరణలో తన పాత్రమీలేదని ప్రశాంత్ కిశోర్ స్పష్టం చేశారు. మహాఘట్‌బంధన్‌ ప్రభుత్వ ఏర్పాటులో తన భాగస్వామ్యంలేదని ఆయన తేల్చిచెప్పారు.

బిహార్‌లో గత పదేళ్లలో ఏర్పడిన ఆరో ప్రభుత్వమని ప్రశాంత్ కిశోర్ గుర్తుచేశారు. ప్రస్తుత పరిణామాలను బట్టి రాజకీయ అస్థిరతలో కొత్త అధ్యాయం బిహార్‌లో మొదలైనట్టేనని పీకే అభిప్రాయపడ్డారు. అయితే, ఈ రాజకీయ మార్పులో రెండు అంశాలు యథావిథిగా ఉన్నాయన్నారు. ఒకటి నితీశ్ కుమార్ సీఎంగానే ఉండగా.. బిహార్ దుర్భరస్థితి అలాగే కొనసాగుతోందని వ్యాఖ్యానించారు. జేడీయూ అధినేత వేర్వేరు ప్రయోగాలు చేశారని, ప్రభుత్వం ఏవిధంగా ఏర్పాటైనా తన అభినందనలు తెలియజేస్తున్నానని చెప్పారు.

‘‘నితీశ్ కుమార్ ఇమేజ్ క్రమంగా తగ్గుతోంది.. ఒకవేళ 2010 నుంచి జేడీయూ ఎన్నికల ప్రయాణాన్ని గమనిస్తే ఆ పార్టీ సంఖ్యా బలం అసెంబ్లీలో 1/3 వంతు తగ్గిపోయింది.. అతని స్వంత వైఖరి, అవగాహనలలో స్పష్టమైన వైరుధ్యాలను ప్రజలు గ్రహించి ఉండవచ్చు అనే వాస్తవానికి ఇది ప్రతిబింబం కావచ్చు’’ అని అన్నారు.

‘‘2012-13 నుంచి రాష్ట్రంలో రాజకీయ అస్థిరత నెలకొంది.. ఇది ఇప్పుడు జరిగిన ఒక సంఘటనగా నేను చూడటం లేదు. తాను ఎన్నికల వ్యూహకర్తగా ప్రయాణం మొదలుపెట్టినప్పటి నుంచి దేశంలో అత్యంత ముఖ్యమైన రాజకీయ ముఖంగా నరేంద్ర మోదీని చెప్పుకోవాలి.. దాని పరిణామాలు బీహార్‌లో కూడా ఉన్నాయి. 2012-13 నుంచి ఇది ఆరో ప్రభుత్వం, కానీ ఒకసారి మాంఝీ ముఖ్యమంత్రిగా ఉన్నప్పుడు తప్ప మిగిలిన అన్ని సందర్భాల్లో నితీశీ్ కుమార్ సీఎంగా ఉన్నారు’’ అని పేర్కొన్నారు.

ఆర్జేడీ నేత తేజశ్వి యాదవ్‌ గురించి మాట్లాడుతూ.. ‘‘మద్యపానం నిషేధించాలని ప్రతిపక్షంలో ఉన్నప్పుడు తేజశ్వీ యాదవ్ చెప్పారు. ఇప్పుడు ప్రభుత్వంలో భాగస్వామిగా ఉన్నారు. ఎలా వ్యవహరిస్తారు, ఏం చేస్తారనేది వేచిచూడాలి’’ అని ప్రశాంత్ కిశోర్ అన్నారు. మూడో కూటమి ఏర్పాటైతే మోదీకి పోటీగా నితీశ్ ప్రధాని అభ్యర్థిగా ఉంటారనే చర్చపై ప్రశాంత్ కిశోర్ భిన్నంగా స్పందించాడు. ఆయన మనసులో ఏముందో తెలియదని, మోదీకి ఎవరు సవాలు విసరబోతున్నారో తాను చెప్పలేనని అన్నారు.

Source link

For more news update stay with actp news

Android App

Facebook

Twitter

Dailyhunt

Share Chat

Telegram

Koo App

Leave a Reply

Your email address will not be published.