Naveen ul Haq: భారత స్టార్ ప్లేయర్ విరాట్ కోహ్లీ, అఫ్గానిస్థాన్ యువ పేసర్ నవీన్ ఉల్ హక్ మధ్య ఈ ఏడాది ఐపీఎల్‍లో గొడవ జరిగింది. ఇది ఆ తర్వాత చాలా కాలం రచ్చరచ్చ అయింది. బెంగళూరు రాయల్ చాలెంజర్స్, లక్నో సూపర్‌జెయింట్స్ మధ్య మ్యాచ్ సందర్భంగా కోహ్లీ, నవీన్ ఉల్ హక్ మధ్య ఈ గొడవ జరిగింది. ఈ మ్యాచ్ ముగిసిన తర్వాత ఈ విషయంలో కోహ్లీ, మాజీ క్రికెటర్ గంభీర్ మైదానంలోనే వాగ్వాదానికి దిగారు. ఈ విషయంలో తప్పెవరిదనే చర్చ సాగుతూనే ఉంది. ఈ తరుణంలో కోహ్లీతో గొడవ గురించి తాజాగా ఓ ఇంటర్వ్యూలో మాట్లాడాడు నవీన్ ఉల్ హక్.