CM Jagan Gudivada Tour: సీఎం జగన్ శుక్రవారం ఉదయం గుడివాడలో పర్యటించారు. మల్లాయపాలెం వద్ద 77 ఎకరాల్లో నిర్మించిన 8,912 టిడ్కో ఇళ్లను సీఎం జగన్ ప్రారంభించారు. లబ్ధిదారులకు ఇళ్లను పంపిణీ చేశారు. వీటితో పాటు మరో 178.63 ఎకరాల్లో సిద్ధం చేసిన 7,728 మందికి ఇళ్ల పట్టాలు, కడుతున్న 4,500 ఇళ్లకు పట్టాలను అందజేశారు. రాష్ట్రవ్యాప్తంగా 1,43,600 మంది లబ్ధిదారులకు 300 చ.అ. టిడ్కో ఇళ్లను ప్రభుత్వం కేవలం రూపాయికే అన్ని హక్కులతో అందజేస్తోంది.