కేసు విచారణలో ఉండగానే మల్లాది విష్ణు తల్లి బాలత్రిపురసుందరి, పొలాకి శ్రీనివాసరావు, పి.వెంకటరాజు, బి.శ్రీనులు చనిపోయారు. ఈ కేసు దర్యాప్తు తర్వాత 15మందిని నిందితులుగా పేర్కొన్నారు. నిందితులపై ఐపీసీ సెక్షన్లు 328,304 రెడ్ విత్ 34, ఎక్సైజ్ యాక్ట్ సెక్షన్ 37 కింద తొలుత కేసులు నమోదు చేశారు. దర్యాప్తను సిట్‌కు అప్పగించిన తర్వాత ఐపీసీ 420, 272, 273, 284, 337, 120(బి), 304 ఏ రెడ్ విత్ 34, ఎక్సైజ్ చట్టంలోని సెక్షన్ 36,37 ప్రకారం కేసులు నమోదు చేశారు. బినామీ లావాదేవీల నిరోధక చట్టం కింద అభియోగాలు మోపారు.