కొంతమంది నెటిజన్లు ఆమెను రష్మిక మందన్నతో పోలుస్తున్నారు. ముఖ్యంగా స్మైల్, ఫేస్ కట్ విషయంలో కొన్ని పోలికలు కనిపిస్తున్నాయని అభిప్రాయపడుతున్నారు. సాధారణంగా కొత్త హీరోయిన్ల విషయంలో మొదటగా అందమే హైలైట్ అవుతుంది. కానీ భైరవి విషయంలో మాత్రం అందంతో పాటు నటనపై కూడా చర్చ మొదలైంది. ట్రైలర్ ఆమె కనిపించిన విధానం చూస్తే పాత్రకు తగ్గట్టుగా నటించే సామర్థ్యం ఉందనే ఫీలింగ్ కలుగుతోంది. అందుకే ఇండస్ట్రీలో మరో ప్రామిసింగ్ హీరోయిన్ ఎంట్రీ ఇచ్చిందనే అభిప్రాయం వ్యక్తమవుతోంది.

ఇటీవల కాయదు లోహర్ తెలుగు ప్రేక్షకులకు దగ్గరైనట్లే, ఇప్పుడు అస్సాం నుంచి వచ్చిన మరో హీరోయిన్‌గా భైరవి పేరు వినిపిస్తోంది. ముఖ్యంగా యువతలో ఆమెకు వస్తున్న స్పందన చూస్తే, సినిమా విడుదల కాకముందే మంచి ఫాలోయింగ్ సంపాదించుకునే అవకాశాలు కనిపిస్తున్నాయి. మొత్తానికి ‘కొత్త మలుపు’ టీజర్, ట్రైలర్ భైరవికి మంచి ఆరంభాన్ని ఇచ్చింది. క్యూట్ లుక్స్, స్క్రీన్ చార్మ్, నటనపై ఆసక్తి.. ఈ మూడు ఆమెకు కలిసి వస్తే తెలుగు సినిమాకు మరో క్రేజీ హీరోయిన్ దొరికినట్టే. ప్రస్తుతం అయితే తెలుగు యువతలో భైరవి పేరు గట్టిగానే వినిపిస్తోంది. సినిమా హిట్ అయ్యిందంటే మాత్రం ఆమెకు మరిన్ని అవకాశాలు క్యూ కట్టే అవకాశం అయితే ఉండొచ్చు.

“కొత్త మలుపు” సినిమా జూన్ 12న గ్రాండ్‌గా ప్రేక్షకుల ముందుకు రానుంది. కుటుంబ ప్రేక్షకులతో పాటు యువతను కూడా ఈ సినిమా ఆకట్టుకుంటుందనే నమ్మకంతో చిత్ర బృందం ఉంది. ప్రస్తుతం సినిమాపై మంచి అంచనాలు నెలకొన్నాయి.