Mass Jathara movie update soon మాస్ జాతర అప్ డేట్ ఎప్పుడు రాజా

మాస్ మహారాజ రవితేజ సినిమా హిట్ అయితే బాక్సాఫీస్ దగ్గర సెన్సేషన్ లాంటిది. ఆయన మాస్ ఎంటర్టైన్మెంట్ కు ఒక ప్రత్యేకమైన క్రేజ్ ఉంది. అయితే కథలో చిన్న తేడా వచ్చినా ఫ్యాన్స్ అసంతృప్తి చెందుతారు. ధమాకాతో 100 కోట్ల భారీ హిట్ కొట్టిన తర్వాత రవితేజ చేసిన సినిమాలు అంతగా వర్కౌట్ కాలేదు. కానీ ఇప్పుడు మాస్ జాతర అనే పవర్ ఫుల్ టైటిల్ తో మళ్లీ సక్సెస్ ట్రాక్ ఎక్కేందుకు రెడీ అవుతున్నాడు. ఈ చిత్రాన్ని సితార ఎంటర్టైన్మెంట్స్ బ్యానర్ పై నాగ వంశీ నిర్మిస్తున్నారు. భాను భోగవరపు దర్శకత్వం వహిస్తున్న ఈ సినిమాను మేకర్స్ గ్రాండ్ లెవెల్ లో ప్లాన్ చేస్తున్నట్టు సమాచారం.

మాస్ జాతర అనే టైటిల్ పెట్టడానికి ముఖ్యమైన కారణం రవితేజ ఎనర్జీకి తగ్గట్టుగా మాస్ యాక్షన్ తోపాటు ఫ్యాన్స్ కోరుకునే అన్ని కమర్షియల్ ఎలిమెంట్స్ ఉండేలా చేయడం. ఈ సినిమాలో రవితేజకు జోడీగా శ్రీలీల నటిస్తోంది. రవితేజ శ్రీలీల కాంబినేషన్ ఇప్పటికే హిట్ కాంబోగా నిలవడంతో ఈ సినిమాపై అంచనాలు మరింతగా పెరిగాయి. ఈ సినిమా మాస్ ఎలిమెంట్స్ తో పాటు ఫ్యామిలీ ఆడియన్స్ కు కూడా కనెక్ట్ అయ్యేలా రూపొందిస్తున్నట్టు సమాచారం.

ఈ సినిమా షూటింగ్ మొదట్లో ప్లాన్ చేసిన షెడ్యూల్ ప్రకారం పూర్తవాల్సి ఉండగా రవితేజ భుజానికి గాయం కావడంతో ఆలస్యం జరిగింది. అయితే లేట్ అయినా సరే ప్రేక్షకులకు సరికొత్త అనుభూతిని అందించేలా సినిమాను మేకర్స్ తీసుకువస్తున్నారని చెబుతున్నారు. ధమాకా తర్వాత మరో సాలిడ్ హిట్ అందుకోవాలనే ఉద్దేశంతో రవితేజ ఈ సినిమాపై స్పెషల్ ఫోకస్ పెట్టినట్టు సమాచారం. ఈసారి మాస్ జాతరతో మరింత పెద్ద హిట్ కొట్టి తన మాస్ సక్సెస్ మేనియాను మళ్లీ మొదలుపెట్టాలని రవితేజ పట్టుదలగా ఉన్నాడు.

ప్రస్తుతం ఈ సినిమా నుంచి ఎలాంటి అప్డేట్స్ రాలేదు. అయితే త్వరలోనే టీజర్ రిలీజ్ చేసి అంచనాలను పెంచాలని మేకర్స్ ప్లాన్ చేస్తున్నట్టు తెలుస్తోంది. సమ్మర్ రేస్ లో సినిమాను విడుదల చేయాలనే ఆలోచనలో ఉన్నప్పటికీ ఇప్పటివరకు అధికారికంగా రిలీజ్ డేట్ అనౌన్స్ చేయలేదు. రవితేజ మాస్ జాతర టైటిల్ హిట్ కాంబినేషన్ అన్నీ కలిసి ఈ సినిమాపై భారీ హైప్ క్రియేట్ చేశాయి.

మాస్ మహారాజ రవితేజ నుంచి ఎప్పుడూ మాస్ ఎంటర్టైన్మెంట్ ని ఆశించే ఫ్యాన్స్ ఈ సినిమాను కూడా అంతే స్థాయిలో ఎదురు చూస్తున్నారు. మాస్ జాతర తన టైటిల్ కు తగ్గట్టుగా ఎంతవరకు మాస్ అల్లరి చేయబోతుందో చూడాలి. సినిమా విడుదలకు ఇంకా సమయం ఉండడంతో మేకర్స్ మరిన్ని ఇంట్రెస్టింగ్ అప్డేట్స్ ఇవ్వబోతున్నారని భావిస్తున్నారు.