Last Updated:
IND vs SL: భారత్, శ్రీలంక జట్ల మధ్య జరుగుతున్న రెండో టెస్టు తొలి రోజే మైదానంలో తీవ్ర ఉద్రిక్తత చోటుచేసుకుంది. శ్రీలంక ఫాస్ట్ బౌలర్ అసిథ ఫెర్నాండోతో తలెత్తిన ఘర్షణ, హెడ్బట్ (తలతో ఢీకొట్టడం) ఘటనపై భారత యువ ఓపెనర్ యశస్వి జైస్వాల్ తీవ్రంగా స్పందించాడు.
అసలు ఏం జరిగిందో, తన ప్రతిస్పందనకు గల కారణం ఏమిటో తెలుసుకోకుండా విమర్శలు చేయవద్దని స్పష్టం చేశాడు. మ్యాచ్లో అంతకుముందు అసిథ ఫెర్నాండో వేసిన నాలుగు బంతుల్లో మూడు ఫోర్లు బాదిన యశస్వి జైస్వాల్, వ్యక్తిగత స్కోరు 45 పరుగుల వద్ద ఉండగా బంతి బ్యాట్ ఎడ్జ్ తీసుకుని స్టంప్స్ను తాకడంతో ఔటయ్యాడు. ఆ సమయంలో అసిథ ఫెర్నాండో దూకుడుగా వ్యవహరిస్తూ జైస్వాల్కు దూషణాత్మకంగా సెండ్-ఆఫ్ ఇచ్చాడు.
