భారత బలగాలు జరిపిన ‘ఆపరేషన్ సిందూర్’ దాడుల్లో ధ్వంసమైన పాకిస్థాన్‌లోని బహావల్‌పూర్‌లో ఉన్న జైషే మహ్మద్ (JeM) ఉగ్రవాద ప్రధాన స్థావరం మళ్లీ పూర్తి స్థాయిలో ఏర్పాటైంది. దాడులు జరిగిన సుమారు 15 నెలల తర్వాత ఈ ఉగ్రవాద కేంద్రం పునర్నిర్మాణం పూర్తి చేసుకున్నట్లు భారత నిఘా వర్గాలు గుర్తించాయని న్యూస్18 ఇంగ్లీష్ పేర్కొంది. పాకిస్థాన్ ప్రభుత్వం, ఐఎస్‌ఐ ఏజెన్సీలు సుమారు 25 కోట్ల రూపాయలు కేటాయించి ఈ భవనాన్ని నిర్మించినట్లు సమాచారం. ఇందులో 11 కోట్ల రూపాయలను కేవలం మర్కజ్ సుభానల్లాలోని సెంట్రల్ హాల్ మరమ్మతుల కోసమే ఖర్చు చేశారని నిఘా వర్గాలు తెలిపాయి.