మ్యాచ్ ఆరంభం నుంచే మెక్సికో దూకుడు ప్రదర్శించింది. మ్యాచ్ ప్రారంభమైన 9వ నిమిషంలోనే మెక్సికో ఆటగాడు జూలియన్ క్వినోనెస్ (Julián Quiñones) అద్భుతమైన గోల్ చేసి జట్టుకు 1-0 ఆధిక్యాన్ని అందించాడు. దీంతో స్టేడియం అంతా హోరెత్తిపోయింది. ఆ తర్వాత సౌత్ ఆఫ్రికా పుంజుకోవడానికి ప్రయత్నించినప్పటికీ వారికి వరుస షాక్‌లు తగిలాయి.

మ్యాచ్ 50వ నిమిషంలో గోల్ చేసే అవకాశాన్ని అడ్డుకున్నందుకు సౌత్ ఆఫ్రికా ఆటగాడు యా యా సిథోల్‌కు అంపైర్ రెడ్ కార్డ్ చూపించి బయటకు పంపేశారు. ఆ తర్వాత 84వ నిమిషంలో వీఏఆర్ (VAR) సమీక్ష అనంతరం థెంబా జ్వానే కూడా రెడ్ కార్డ్ అందుకోవడంతో సౌత్ ఆఫ్రికా జట్టు కేవలం 9 మంది ఆటగాళ్లతోనే ఆడాల్సి వచ్చింది.

మ్యాచ్ ముగిసే సమయానికి స్టాపేజ్ టైమ్‌లో ప్రత్యర్థి ఆటగాడిని ఫౌల్ చేసినందుకు మెక్సికో కెప్టెన్ సీజర్ మోంటెస్‌కు కూడా రెడ్ కార్డ్ రావడంతో మెక్సికో జట్టు కూడా 10 మందికి పడిపోయింది. అయినప్పటికీ మెక్సికో 2-0 తేడాతో విజయాన్ని ఖరారు చేసుకుంది. మొత్తం 48 జట్లతో జూలై 19 వరకు సాగనున్న ఈ సుదీర్ఘ టోర్నమెంట్‌లో గ్రూప్-A నుండి మొదటి రెండు స్థానాల్లో నిలిచిన జట్లు నేరుగా ‘రౌండ్ ఆఫ్ 32’ (నాకౌట్ దశ) కు అర్హత సాధిస్తాయి. తొలి మ్యాచ్‌లోనే విజయం సాధించి మెక్సికో గ్రూప్‌లో టాప్ ప్లేస్‌లో నిలిచింది.