‘ఇచ్చిన మాట ప్రకారమే పవన్ కళ్యాణ్ గారు సినిమా చేస్తారు. అయితే షూటింగ్ ఎప్పుడు అనేది ఆయనే స్వయంగా ప్రకటిస్తారు. ప్రస్తుతం విదేశాల్లో ఉన్న దర్శకుడు సుజీత్ తిరిగి వచ్చిన తర్వాత ఈ ప్రాజెక్ట్‌పై తుది చర్చలు మొదలవుతాయి’ అంటూ ‘పవన్ కళ్యాణ్ క్రియేటివ్ వర్క్స్’ అధికారికంగా ట్వీట్ చేసింది. ఈ ట్వీట్‌తో ‘ఓజీ 2’ కచ్చితంగా ఉండబోతోందనే విషయంపై మేకర్స్ పూర్తి క్లారిటీ ఇచ్చారు.

ప్రస్తుతం దర్శకుడు సుజీత్.. నేచురల్ స్టార్ నానితో ఒక భారీ యాక్షన్ ఎంటర్‌టైనర్ తెరకెక్కిస్తున్నారు. ఇటీవలే ఈ సినిమా షూటింగ్ కూడా ప్రారంభమైంది. సుజీత్ ఈ సినిమాను పూర్తి చేసిన వెంటనే, పవన్ కళ్యాణ్‌తో కలిసి ‘ఓజీ 2’ స్క్రిప్ట్ పనులను తుది దశకు చేర్చి, ప్రాజెక్టును పట్టాలెక్కించాలని ప్లాన్ చేస్తున్నారట. ఈ అధికారిక ప్రకటనతో పవన్ కళ్యాణ్ అభిమానుల ఆనందానికి అవధులు లేకుండా పోయాయి.