ఈ సినిమా ముంబయి అండర్‌వరల్డ్ నేపథ్యంలో సాగే ఒక పవర్‌ఫుల్ యాక్షన్ ఎంటర్‌టైనర్‌గా రూపొందుతోంది. గతంలో వీరిద్దరి కాంబినేషన్‌లో వచ్చిన ‘వీరసింహారెడ్డి’ రాయలసీమ ఫ్యాక్షనిజం నేపథ్యంలో సాగితే.. ఈ సారి బాలయ్యను మునుపెన్నడూ చూడని విధంగా ఒక పవర్‌ఫుల్ గ్యాంగ్‌స్టర్‌గా గోపీచంద్ మలినేని చూపించబోతున్నారు. వృద్ధి సినిమాస్‌ పతాకంపై ప్రముఖ నిర్మాత వెంకట సతీశ్‌ కిలారు ఈ భారీ కమర్షియల్ చిత్రాన్ని అత్యంత ప్రతిష్టాత్మకంగా, భారీ బడ్జెట్‌తో నిర్మిస్తున్నారు.

ఈ చిత్రంలో బాలకృష్ణను ఢీకొట్టే పవర్‌ఫుల్ విలన్ పాత్రలో రాకింగ్ స్టార్ మంచు మనోజ్ నటిస్తుండటం విశేషం. హీరోగా ఎన్నో వైవిధ్యమైన సినిమాలు చేసిన మనోజ్.. బాలయ్య సినిమాలో విలన్‌గా కనిపించబోతుండటం సినీ వర్గాల్లో తీవ్ర ఆసక్తిని రేకెత్తిస్తోంది. వీరిద్దరి మధ్య వచ్చే మైండ్ గేమ్స్, హై-వోల్టేజ్ యాక్షన్ సీక్వెన్స్ లు థియేటర్లలో ప్రేక్షకులకు రోమాలు నిక్కబొడుచుకునేలా చేస్తాయని చిత్ర యూనిట్ ధీమా వ్యక్తం చేస్తోంది.