Last Updated:
37th International Biology Olympiad: “లిథువేనియాలోని విల్నియస్లో జరిగిన 37వ అంతర్జాతీయ బయాలజీ ఒలింపియాడ్లో మన నలుగురు విద్యార్థులు పతకాలు సాధించడం, అందులో ఒకరు ఏకంగా గోల్డ్ మెడల్ గెలుపొందడం నాకు అత్యంత ఆనందాన్ని కలిగించింది” అని ప్రధాని గర్వంగా చెప్పారు.
లిథువేనియా రాజధాని విల్నియస్ వేదికగా జరిగిన 37వ అంతర్జాతీయ బయాలజీ ఒలింపియాడ్లో భారత జట్టు చారిత్రాత్మక విజయాన్ని నమోదు చేసింది. ఈ ప్రతిష్టాత్మక అంతర్జాతీయ పోటీలో పాల్గొన్న నలుగురు సభ్యుల భారత బృందం అత్యుత్తమ ప్రతిభ కనబరిచి ఏకంగా ఒక బంగారు పతకంతో పాటూ.. బృందంలోని వారంతా పతకాలను కైవసం చేసుకుని దేశ కీర్తిని విశ్వవ్యాప్తం చేశారు. ఈ విశేషమైన అద్భుత ప్రదర్శన పట్ల దేశవ్యాప్తంగా సర్వత్రా హర్షాతిరేకాలు వ్యక్తమవుతున్నాయని భారత ప్రభుత్వ ప్రెస్ ఇన్ఫర్మేషన్ బ్యూరో రిపోర్ట్ చేసింది.
ఈ అపూర్వ విజయం సాధించిన భారత జట్టును భారత ప్రధాన మంత్రి నరేంద్ర మోదీ గొప్పగా ప్రశంసించారు. సోషల్ మీడియా ప్లాట్ఫారమ్ ‘ఎక్స్’ (గతంలో ట్విట్టర్) ద్వారా ఆయన తన సంతోషాన్ని పంచుకున్నారు. “లిథువేనియాలోని విల్నియస్లో జరిగిన 37వ అంతర్జాతీయ బయాలజీ ఒలింపియాడ్లో మన నలుగురు విద్యార్థులు పతకాలు సాధించడం, అందులో ఒకరు ఏకంగా గోల్డ్ మెడల్ గెలుపొందడం నాకు అత్యంత ఆనందాన్ని కలిగించింది” అని ప్రధాని గర్వంగా చెప్పారు.
It is a matter of immense happiness that in the 37th International Biology Olympiad held in Vilnius, Lithuania, all four Indian team members secured medals, including one Gold.
Proud of Bhavyaa Gunwal, Soumil Maity, Nishit Kalani and Anmol Kumar for their success at the… pic.twitter.com/8KNqqhgFbM
— Narendra Modi (@narendramodi) July 19, 2026
ఈ ప్రతిష్టాత్మక ఒలింపియాడ్లో పతకాలు సాధించిన భారత జట్టులోని ఆ నలుగురు విద్యార్థులు భవ్యా గున్వాల్, సౌమిల్ మైతీ, నిషిత్ కల్యాణి, అన్మోల్ కుమార్. వీరు కనబరిచిన అసాధారణ నైపుణ్యాలను, సబ్జెక్టులపై వారికి ఉన్న పట్టును ప్రధాని మోదీ ప్రత్యేకంగా తన పోస్ట్లో మెచ్చుకున్నారు. మాలిక్యులర్ బయాలజీ, బయోకెమిస్ట్రీ, యానిమల్ ఫిజియాలజీ, యానిమల్ మార్ఫాలజీ, సిస్టమాటిక్స్, ప్లాంట్ కంప్యూటేషనల్ బయాలజీ వంటి అత్యంత కఠినమైన, సంక్లిష్టమైన విభాగాలలో ఈ నలుగురు విద్యార్థులూ అపారమైన జ్ఞానాన్ని ప్రదర్శించారని ప్రధాని మోదీ ప్రశంసించారు.
అంతర్జాతీయ స్థాయిలో జీవశాస్త్రం (Biology), పరిశోధనా రంగాల పట్ల యువతలో ఆసక్తిని పెంపొందించడానికి ఇలాంటి ఒలింపియాడ్ పోటీలు ఎంతో కీలకం. ప్రపంచం నలుమూలల నుంచి అత్యుత్తమ ప్రతిభ గల విద్యార్థులు పాల్గొనే ఈ బయాలజీ ఒలింపియాడ్ ఏటా ఎంతో కఠినమైన ప్రమాణాలతో జరుగుతోంది. ఇంతటి తీవ్రమైన పోటీలో భారతీయ విద్యార్థులు 100 శాతం విజయం సాధించి, వెళ్లిన నలుగురు విద్యార్థులూ పతకాలతో తిరిగి రావడం వెనుక వారి నిరంతర శ్రమ, తీవ్రమైన అధ్యయనం, ఏకాగ్రత, అలాగే వారికి శిక్షణ ఇచ్చిన గురువుల మార్గదర్శకత్వం ఎంతో దాగి ఉన్నాయి.
“ఈ అద్భుతమైన విజయం భవిష్యత్తులో సైన్స్ అండ్ టెక్నాలజీ రంగం వైపు అడుగులు వేయాలనుకునే ఎంతో మంది యువతకు, విద్యార్థులకు గొప్ప స్ఫూర్తినిస్తుందని నేను కచ్చితంగా నమ్ముతున్నాను” అని ప్రధాని తన సందేశంలో బలమైన ఆశాభావం వ్యక్తం చేశారు. భారతదేశంలో శాస్త్ర పరిశోధనలను ప్రోత్సహించే దిశగా విద్యార్థులు సాధించిన ఈ విజయం ఒక మైలురాయిగా నిలిచిపోతుంది. భవ్యా, సౌమిల్, నిషిత్, అన్మోల్ సాధించిన ఈ గెలుపు వారి వ్యక్తిగతం మాత్రమే కాదు, యావత్ దేశానికే గర్వకారణం.
Click here to add News18 as your preferred news source on Google. బ్రేకింగ్ న్యూస్, రాజకీయాలు, దేశంలోని అన్ని రాష్ట్రాల్లోని ముఖ్యమైన వార్తలు, విశ్లేషణ, కేంద్ర ప్రభుత్వ పథకాలకు సంబంధించిన స్టోరీలను న్యూస్18 తెలుగు నేషనల్ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Telangana
Jul 20, 2026 12:16 PM IST
