ఎలాంటి అంచనాలు లేకుండా వచ్చి ఆడియెన్స్‌ను పిచ్చిక్కిపోయేలా చేసిన సినిమా’మా ఊరి పొలిమేర’. టాలీవుడ్ నటుడు సత్యం రాజేష్ ప్రధాన పాత్రలో నటించిన ఈ సినిమా.. ఐదేళ్ల క్రితం నేరుగా ఓటీటీలో రిలీజై సంచలనం సృష్టించింది. చేతబడుల కాన్సెఫ్ట్ తో వచ్చిన ఈ సస్పెన్స్ థ్రిల్లర్ సినిమాకు ఓటీటీలో వచ్చిన ఆదరణ అంతా ఇంతా కాదు .హాట్‌స్టార్‌లో నేరుగా విడుదలై ఈ సినిమా కొన్ని రోజుల పాటు ట్రెండింగ్‌లో ఉంది. ఇక సత్యం రాజేష్‌ నటనైతే వేరే లెవల్‌. అప్పటివరకు కామెడియన్‌గా మెప్పించిన సత్యం రాజేష్‌ ఈ సినిమాతో ప్రతినాయకుడిగా తనలోని విలక్షణ నటనను చూపించాడు.