చదరంగం ఆట అంటే విజ్ఞానం, పరిజ్ఞానం, వ్యూహాత్మకత, కళా నైపుణ్యం కలిసి ఉంటాయి. ఈ ఆట ఆడడం ద్వారా మేధాశక్తితో పాటు ఏకాగ్రత పెరుగుతుంది. అయితే యువతలో ఉన్న క్రీడా నైపుణ్యాన్ని వెలికి తీసి వారి ఏకాగ్రతతో పాటు మేధా శక్తిని పెంపొందించే దిశగా తెలంగాణ రాష్ట్ర చెస్ అసోసియేషన్ ముందు అడుగు వేసింది.

చెస్ పై ఆసక్తి ఉన్న క్రీడాకారులకు చెస్ అసోషియేషన్ శుభవార్త తెలిపింది. వరంగల్ జిల్లా చెస్ అసోసియేషన్ ఆధ్వర్యంలో ఈ నెల 17న అండర్- 11 ఆధారంగా ఎంపిక పోటీలో నిర్వహిస్తున్నట్లు చెస్ అసోసియేషన్ కార్యదర్శి కన్నా ఒక ప్రకటనలో తెలిపారు. ఈ నెల 17న బాలబాలికలకు వేరు వేరుగా ఎంపిక పోటీలు ఉంటాయన్నారు. ఈ పోటీలు హనుమకొండ నగరంలోని రెడ్డి కాలనీ ప్రాంతంలో ఉన్నటువంటి వికాస్ హైస్కూల్లో ఉంటాయన్నారు. ఈ పోటీల్లో పాల్గొన్న క్రీడాకారులు జనవరి 1 2015న ఆ తర్వాత జన్మించిన వారు అర్హులను తెలిపారు.

ఇందులో గెలుపొందిన నలుగురు బాలురు, నలుగురు బాలికలను జూన్ 19 నుంచి 21 వరకు హైదరాబాదులో జరిగే రాష్ట్రస్థాయి చదరంగా పోటీల్లో పాల్గొంటారని వివరించారు. ఆసక్తి అర్హత కలిగిన క్రీడాకారులు ఈ నెల 17న నిర్వహించే ఈ చదరంగ పోటీల్లో తమ జనన ధ్రువీకరణ పత్రంతో హాజరు కావాలన్నారు. మరిన్ని వివరాలకు90595 22986 నెంబర్ ను సంప్రదించాలన్నారు.