Last Updated:
టర్కీతో జరిగిన ఈ కీలక మ్యాచ్లో మిగ్యుల్ అల్మిరాన్ కూడా ఇదే ట్రిక్ ఉపయోగించాడు. మ్యాచ్ మధ్యలో ప్రత్యర్థి ఆటగాడితో తీవ్ర వాగ్వాదానికి దిగిన అల్మిరాన్, చేత్తో నోరు మూసుకుని అసభ్య పదజాలంతో దూషించాడు.
FIFA World Cup 2026: 2026 ఫిఫా ప్రపంచ కప్ మ్యాచ్లో పరాగ్వే, టర్కీ (Turkiye) జట్ల మధ్య జరిగిన పోరులో ఒక విచిత్రమైన సంఘటన చోటుచేసుకుంది. మ్యాచ్ జరుగుతున్న సమయంలో ప్రత్యర్థి ఆటగాడిని దూషించాడనే ఆరోపణలతో పరాగ్వే స్టార్ ప్లేయర్ మిగ్యుల్ అల్మిరాన్ (Miguel Almirón) రెడ్ కార్డ్ (Red Card) అందుకుని మైదానం వీడాల్సి వచ్చింది. కెమెరాలకు చిక్కకుండా ఉండేందుకు అతడు చేత్తో నోరు మూసుకుని మాట్లాడినప్పటికీ.. వీడియో అసిస్టెంట్ రెఫరీ (VAR) టెక్నాలజీ అతడిని పట్టించేసింది.
సాధారణంగా ఫుట్బాల్ మైదానంలో ఆటగాళ్లు తమ వ్యూహాలు ప్రత్యర్థులకు లేదా కెమెరాలకు తెలియకుండా ఉండటానికి, అలాగే ‘లిప్ రీడింగ్’ (నోటి కదలికలను బట్టి మాటలను గుర్తించడం) చేయకుండా అడ్డుకోవడానికి చేతులను నోటికి అడ్డంగా పెట్టుకుని మాట్లాడుతుంటారు. టర్కీతో జరిగిన ఈ కీలక మ్యాచ్లో మిగ్యుల్ అల్మిరాన్ కూడా ఇదే ట్రిక్ ఉపయోగించాడు. మ్యాచ్ మధ్యలో ప్రత్యర్థి ఆటగాడితో తీవ్ర వాగ్వాదానికి దిగిన అల్మిరాన్, చేత్తో నోరు మూసుకుని అసభ్య పదజాలంతో దూషించాడు.
తాను కెమెరాలకు చిక్కలేదని అతడు భావించినప్పటికీ, మైదానంలో ఉన్న రెఫరీ మరియు వీఏఆర్ (VAR) అధికారులు దీనిని తీవ్రంగా పరిగణించారు. చేత్తో నోరు మూసుకున్నప్పటికీ అతడు క్రమశిక్షణా రాహిత్యానికి పాల్పడ్డాడని, ప్రత్యర్థిని ఉద్దేశపూర్వకంగానే దూషించాడని ప్రాథమిక ఆధారాల ద్వారా నిర్ధారించారు. దీంతో రెఫరీ వెంటనే అతడికి ‘రెడ్ కార్డ్’ చూపించి మైదానం వెలుపలికి పంపించేశారు.
✅ BIEN EXPULSADO 🇵🇾 EN EL MUNDIAL 2026 🚨
Almirón 🇵🇾 se convirtió en uno de los primeros futbolistas sancionados bajo la nueva normativa que castiga el hecho de taparse la boca durante una confrontación o intercambio con un rival.
El VAR llamó al profe Iván Barton 🇸🇻 para… pic.twitter.com/VlfeYwIzfS
— Rodrigo Velis (@Rodri_velis) June 20, 2026
అల్మిరాన్ వంటి కీలక ఆటగాడు రెడ్ కార్డ్ చూసి మ్యాచ్ మధ్యలోనే వెనుతిరగడం పరాగ్వే జట్టును కోలుకోలేని దెబ్బతీసింది. పది మంది ఆటగాళ్లతోనే ఆడాల్సి రావడంతో మ్యాచ్ ఫలితంపై అది తీవ్ర ప్రభావం చూపించింది. చేత్తో నోరు మూసుకుని మాట్లాడితే కెమెరాల నుంచి తప్పించుకోవచ్చనే ఆటగాళ్ల ఆలోచనను ఈ ఘటన సరిచేసింది. అత్యాధునిక సాంకేతికత అందుబాటులో ఉన్న కాలంలో మైదానంలో ఎలాంటి ప్రవర్తన సాగినా దొరికిపోవడం ఖాయమని ఈ రెడ్ కార్డ్ నిర్ణయం మరోసారి నిరూపించింది. అయితే ఈ మ్యాచ్లో పరాగ్వే 1-0 గోల్ తేడాతో టర్కీపై నెగ్గింది.
Click here to add News18 as your preferred news source on Google. లేటెస్ట్ క్రికెట్ అప్డేట్స్, మ్యాచ్ అప్డేట్స్, మ్యాచ్ రివ్యూస్, లైవ్ స్కోర్, మ్యాచ్ అనాలిసిస్, ప్లేయర్ ప్రొఫైల్స్, ఇతర క్రీడలకు సంబంధించిన స్టోరీలను న్యూస్18 తెలుగు స్పోర్ట్స్ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి
Hyderabad,Telangana
Jun 20, 2026 12:00 PM IST
