Last Updated:
G7 Summit France 2026: ప్రధాని మోదీ ఈ సమ్మిట్లో గ్లోబల్ సౌత్ ఆకాంక్షలను వ్యక్తం చేస్తానని ముందుగానే ప్రకటించారు. “భారతదేశం గ్లోబల్ సౌత్ ఆకాంక్షలకు వాయిస్ ఇస్తుంది” అని మోదీ బయలుదేరే ముందు వెల్లడించారు.
ప్రధాని నరేంద్ర మోదీ, అమెరికా అధ్యక్షుడు డొనాల్డ్ ట్రంప్ షేక్ హ్యాండ్స్ ఇచ్చుకున్నారు. ఫ్రాన్స్లోని ఎవియన్లో జరిగే జీ7 సదస్సులో వీరు భేటీ అయ్యారు. ఇలా 16 నెలల తర్వాత వీళ్లు మళ్లీ కలిశారు. కానీ పైపై నవ్వులు, షేక్ హ్యాండే తప్ప.. హగ్గులు లేవు. ట్రంప్ ఈసారి.. మోదీని తన ప్రియమైన మిత్రుడిలా చూడలేదు. అంత ప్రత్యేకత చూపించలేదు. బహుశా.. ఈ సదస్సుకి ఇంకా చాలా మంది వస్తారు కాబట్టి.. ట్రంప్ అంత ఆసక్తి చూపించకపోయి ఉండొచ్చు. ఇటు ప్రధాని మోదీ సైతం.. కొంత కఠినంగానే వ్యవహరిస్తున్నట్లు కనిపిస్తోంది. ఎందుకంటే.. అమెరికా, ఇండియా మధ్య కుదురుతున్న వాణిజ్య డీల్లో అమెరికా.. భారత్కి అనుకూలంగా ఏమీ చెయ్యట్లేదు. అందువల్ల ట్రంప్ పట్ల అతి ఆసక్తి చూపించడం వల్ల ఉపయోగం లేదని ప్రధాని మోదీ భావిస్తూ ఉండొచ్చు. ఐతే.. ఈ సదస్సు ద్వారా భారత-అమెరికా సంబంధాల్లో కొత్త అధ్యాయం ప్రారంభమవుతుందనే అంచనాలున్నాయి.
జీ7 సమ్మిట్ ఫ్రాన్స్ అధ్యక్షుడు ఎమ్మాన్యుయెల్ మాక్రాన్ ఆతిథ్యంలో ఎవియన్-లెస్-బైన్స్లో జూన్ 16-17 తేదీల్లో జరుగుతోంది. భారతదేశం 8వ సారి ఆహ్వానిత భాగస్వామిగా పాల్గొంటోంది. ప్రధాని మోదీ ఈ సమ్మిట్లో గ్లోబల్ సౌత్ ఆకాంక్షలను వ్యక్తం చేస్తానని ముందుగానే ప్రకటించారు. “భారతదేశం గ్లోబల్ సౌత్ ఆకాంక్షలకు వాయిస్ ఇస్తుంది” అని మోదీ బయలుదేరే ముందు వెల్లడించారని ది హిందూ రిపోర్ట్ చేసింది.
ఈ పర్యటనలో మోదీ ముందుగా స్లోవాకియా సందర్శించారు. ఇది 1993లో స్లోవాకియా స్వాతంత్ర్యం తర్వాత భారత ప్రధాని మొదటి సందర్శన. బ్రాటిస్లావాలో స్లోవాక్ ప్రధాని రాబర్ట్ ఫికో, అధ్యక్షుడు పీటర్ పెలెగ్రినీతో భేటీలు జరిపారు. వాణిజ్యం, రక్షణ, గ్రీన్ టెక్నాలజీ, ఆటోమొబైల్స్, రైల్వేస్ రంగాల్లో ఒప్పందాలు కుదిరాయి. స్లోవాక్ అధ్యక్షుడు మోదీకి దేశం అత్యున్నత గౌరవం ‘ఆర్డర్ ఆఫ్ ది వైట్ డబుల్ క్రాస్’ ప్రదానం చేశారు. ఇది భారత-స్లోవాక్ స్నేహానికి అంకితమని మోదీ తెలిపారు.
మోదీ-ట్రంప్ భేటీలో కీలక అంశాలు:
ట్రేడ్ ఒప్పందం, రక్షణ సహకారం, ఎనర్జీ సెక్యూరిటీ, సప్లై చైన్ రెసిలియన్స్, AI, గ్లోబల్ సెక్యూరిటీ వంటి అంశాలు చర్చకు వచ్చాయి. వైట్ హౌస్ అధికారుల ప్రకారం, ట్రేడ్ డీల్ పూర్తి కావాల్సి ఉంది కానీ ఈ సమ్మిట్లో సంతకం జరగదు. ఇండియా-యూఎస్ ట్రేడ్ ఒప్పందం “99శాతం పూర్తి” అని యూఎస్ రాయబారి సెర్జియో గోర్ ఇంతకు ముందు చెప్పారు. ఇటీవలి హార్ముజ్ జలసంధిలో జరిగిన ఘటనలు, భారతీయ నావికుల మరణాలు, టారిఫ్ వివాదాలు సంబంధాలను ఉద్రిక్తం చేశాయి. అయినప్పటికీ రెండు దేశాలు స్ట్రాటజిక్ భాగస్వామ్యాన్ని కొనసాగించాలని నిర్ణయించాయని రాయిటర్స్ రిపోర్ట్ చేసింది.
ఈ భేటీ భారత-అమెరికా సంబంధాలను రీసెట్ చేసే అవకాశం ఉంది. గతంలో ఫిబ్రవరి 2025లో వాషింగ్టన్లో వీరు కలిసిన తర్వాత ఇది మొదటి సమావేశం. హ్యాండ్షేక్స్ ఉన్నా, వెచ్చని సంబంధాలు కనిపించలేదనే టాక్ తెరపైకి వచ్చింది. ఇది రెండు దేశాల మధ్యా ఉన్న ఆర్థిక, భద్రతా సవాళ్లను ప్రతిబింబిస్తుంది.
జీ7 సమ్మిట్లో ఉక్రెయిన్ యుద్ధం, మిడిల్ ఈస్ట్ సంక్షోభం, AI రెగ్యులేషన్, ఆర్థిక అసమానతలు వంటి అంశాలపై ప్రధాన చర్చ ఉంటుంది. భారత్ గ్లోబల్ సౌత్ తరపున మాట్లాడుతూ UNSC సంస్కరణలు, మల్టీలాటరలిజం పట్ల తన నిబద్ధతను వ్యక్తం చేస్తుంది. ఫ్రాన్స్తో కూడా బలమైన భాగస్వామ్యం కొనసాగుతోంది.
ఈ పరిణామాలు భారతదేశానికి ప్రపంచ వేదికపై పెరుగుతున్న ప్రాముఖ్యాన్ని చూపిస్తాయి. ట్రేడ్, డిఫెన్స్, టెక్నాలజీ రంగాల్లో కొత్త అవకాశాలు రావచ్చు. అయితే, ఉద్రిక్తతలను పరిష్కరించాల్సిన అవసరం ఉంది.
Click here to add News18 as your preferred news source on Google. బ్రేకింగ్ న్యూస్, రాజకీయాలు, దేశంలోని అన్ని రాష్ట్రాల్లోని ముఖ్యమైన వార్తలు, విశ్లేషణ, కేంద్ర ప్రభుత్వ పథకాలకు సంబంధించిన స్టోరీలను న్యూస్18 తెలుగు నేషనల్ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Telangana
