“మిత్రులారా, గత ఏడాది జనవరి 26న భారతదేశం తన గణతంత్ర దినోత్సవాన్ని ఎంతో ఉత్సాహంగా జరుపుకుంది. ఇరవై ఆరు… అంటే 2 ప్లస్ 6 కలిపితే 8 అవుతుంది. అలాగే నా మిత్రుడు, ఇండోనేషియా అధ్యక్షుడి పుట్టినరోజు 17వ తేదీన వస్తుంది, 1 ప్లస్ 7 కలిపినా కూడా 8 అవుతుంది” అని ప్రధాని మోదీ వ్యాఖ్యానించారు.

“మిస్టర్ ప్రెసిడెంట్, ఆ నాడు మీరు ఒక మాట చెప్పారు, ఈ రోజు కూడా దానిని మళ్లీ పునరావృతం చేశారు.. మీలో ‘భారతదేశ డీఎన్ఏ (DNA)’ ఉందనేదే ఆ మాట. ఆ ఒక్క ప్రకటన కోట్లాది మంది భారతీయుల హృదయాలను గెలుచుకుంది. ఈ రోజు కూడా ఆ మాటకు సభలో పెద్ద ఎత్తున చప్పట్లు వచ్చాయి. ఇది నిజంగా భారత ప్రజల హృదయాలను తాకింది” అని ప్రధానమంత్రి పేర్కొన్నారు.

భారత్, ఇండోనేషియాల మధ్య స్నేహం అనేది నమ్మకం, ఉమ్మడి వారసత్వం మరియు ఇరు దేశాల ప్రజల మధ్య ఉన్న సన్నిహిత సంబంధాలపై నిర్మితమైందని ప్రధాని అన్నారు. “భారతదేశం, ఇండోనేషియా మధ్య సంబంధాలు మన ఉమ్మడి నాగరికత వారసత్వంలో మరియు మనల్ని అనుసంధానించే సముద్రాలలో వేళ్ళూనుకుని ఉన్నాయి” అని ఆయన కొనియాడారు.

“భారతదేశం ఒకదాని తర్వాత ఒకటిగా అనేక సంస్కరణలను అమలు చేసింది. మేము నిరంతరం అత్యుత్తమ పనితీరును కనబరుస్తున్నాము, అందుకే ఈ రోజు దేశం రూపాంతరం చెందుతోంది. మేము రిఫార్మ్, పర్ఫామ్, ట్రాన్స్‌ఫార్మ్ మంత్రంతో ముందుకు దూసుకెళ్తున్నాము” అని ప్రధాని మోదీ అక్కడి సభను ఉద్దేశించి ప్రసంగించారు.