న్యూస్18 ఇంగ్లీష్ కథనం ప్రకారం.. నిశ్చితార్థం జరిగిన కొన్ని నెలలకే జులైలో ఆకృతి తన సోషల్ మీడియా ఖాతాల్లో కొన్ని అనుమానాస్పద పోస్టులు పెట్టారు. దీంతో ఇద్దరి బంధంలో మనస్పర్ధలు వచ్చాయంటూ అప్పట్లోనే జోరుగా ప్రచారం జరిగింది. అప్పట్లో ఈ వార్తలపై ఇద్దరూ అధికారికంగా స్పందించలేదు. కానీ తాజాగా ఆకృతి చేసిన ప్రకటనతో ఆ ఊహాగానాలన్నీ నిజమేనని తేలిపోయింది. బాధ్యతలు, భవిష్యత్తు ప్రణాళికలు సరిపోలకపోవడమే ఈ విచారకరమైన నిర్ణయానికి ప్రధాన కారణమని ఆమె సున్నితంగా తెలిపారు. దయచేసి విడిపోవడానికి గల కారణాలపై ఎలాంటి అసత్య ప్రచారాలు చేయవద్దని ఆమె అభిమానులకు విజ్ఞప్తి చేశారు.

పృథ్వీ షా ప్రస్తుతం దేశవాళీ క్రికెట్‌లో ఆడుతూ మళ్లీ జాతీయ జట్టులో స్థానం సంపాదించేందుకు తీవ్రంగా శ్రమిస్తున్నాడు. కొంతకాలంగా ఫామ్ కోల్పోయి ఇబ్బంది పడుతున్న ఈ ఓపెనర్‌కు, వ్యక్తిగత జీవితంలో ఎదురైన ఈ చేదు అనుభవం పెద్ద దెబ్బే. క్రికెట్‌పై పూర్తి దృష్టి సారించేందుకే పృథ్వీ ఈ కఠిన నిర్ణయానికి అంగీకరించి ఉంటాడని అభిమానులు భావిస్తున్నారు. భవిష్యత్తులో ఇద్దరూ ప్రశాంతంగా, సంతోషంగా ఉండాలని ఆకృతి మనసారా కోరుకున్నారు. అయితే, బ్రేకప్ విషయంపై పృథ్వీ షా మాత్రం ఇప్పటివరకు బహిరంగంగా స్పందించలేదు.