తిరుమలకు చెందిన వ్యాపారి సంపూర్ణమ్మ కుమార్తెను, ఏర్పేడు మండలం జంగాలపల్లికి చెందిన సునీల్ అనే వ్యక్తికి ఇచ్చి ఆరేళ్ల క్రితం వివాహం జరిపించారు. వీరికి ఇద్దరు పిల్లలు కూడా ఉన్నారు. అయితే, కొన్ని మనస్పర్థల కారణంగా గత కొంతకాలంగా ఈ భార్యాభర్తలు విడివిడిగా ఉంటున్నారు. ఈ క్రమంలో బుధవారం రాత్రి అదే కల్యాణ మండపంలో జంగాలపల్లికి చెందిన వారి బంధువుల వివాహం ఒకటి జరుగుతోంది. ఈ పెళ్లి వేడుకకు అల్లుడు సునీల్ వస్తాడని తెలుసుకున్న అత్త సంపూర్ణమ్మ, ఎలాగైనా పెద్ద మనుషులతో మాట్లాడించి తన కూతురు సంసారాన్ని చక్కదిద్దాలని భావించింది.

కల్యాణ మండపంలో మునిరత్నం, మణికంఠలిద్దరూ సునీల్‌ను కలిసి భార్యాభర్తల గొడవలపై చర్చలు ప్రారంభించారు. ఈ సంభాషణ కాస్తా ఇరువర్గాల మధ్య తీవ్ర వివాదానికి దారితీసింది. దీంతో తీవ్ర ఆగ్రహానికి లోనైన సునీల్.. వెంటనే ఫోన్ చేసి తన తండ్రి, తమ్ముడు, అల్లుడు, మరో వ్యక్తిని కల్యాణ మండపం వద్దకు రప్పించాడు.

ఈ హఠాత్ పరిణామానికి భయపడిన బంధువులు, అక్కడున్న వారు ప్రాణభయంతో పరుగులు తీశారు. నిందితులు విచక్షణా రహితంగా నరకడంతో మునిరత్నం యాదవ్ తీవ్ర గాయాలపాలై అక్కడికక్కడే ప్రాణాలు కోల్పోయారు. మరోవైపు తీవ్ర రక్తగాయాలైన మణికంఠ తన ప్రాణాలను కాపాడుకోవడానికి రక్తపు ధారలతోనే కల్యాణ మండపం ప్రధాన గేటు వైపు పరుగులు తీశాడు. సమాచారం అందుకున్న స్థానికులు వెంటనే అతనిని రుయా ఆస్పత్రికి తరలించారు. అయితే, అప్పటికే మణికంఠ మృతి చెందినట్లు వైద్యులు ధ్రువీకరించారు.