ఈ క్షేత్రంలో కొలువైన శ్రీ వేణుగోపాలస్వామివారి దివ్య మూర్తి భక్తులను మంత్రముగ్ధులను చేస్తుంది. చేతిలో వేణువును ధరించి, పాదాల వద్ద వెన్నకుండతో, వెనుక గోవు రక్షణగా నిలవగా, ఇరువైపులా రుక్మిణి, సత్యభామ అమ్మవార్లతో కలిసి స్వామివారు ఇచ్చే దర్శనం జన్మధన్యమనే అనుభూతిని కలిగిస్తుంది. అంతేకాకుండా, ఆలయ ప్రాంగణంలోని శ్రీకోదండరామస్వామి, శ్రీ ఆంజనేయస్వామి ఆలయాలు, ఏకశిలపై అత్యంత రమణీయంగా చెక్కిన సీతారామలక్ష్మణుల విగ్రహాలు ఈ ఆలయ శిల్పకళా వైభవానికి అద్దం పడుతున్నాయి.
