సియాసాత్ కథనం ప్రకారం.. మహిళలు, పిల్లల భద్రతా విభాగం డిప్యూటీ కమిషనర్ ఆఫ్ పోలీస్ (డీసీపీ) డాక్టర్ లావణ్య ఎన్జీపీ ఈ విషయమై పలు వివరాలు వెల్లడించారు. బోనాల ఉత్సవాల వ్యవధిలో మహిళలపై వేధింపులకు సంబంధించి మొత్తం 122 ఫిర్యాదులు వచ్చినట్లు తెలిపారు. షీ టీమ్స్ సకాలంలో జరిపిన సమగ్ర విచారణ ఫలితంగా 13 కేసుల్లో నిందితులకు శిక్షలు పడ్డాయి. ఇప్పటివరకు మొత్తం 25 మంది నిందితులు వివిధ కేసుల్లో దోషులుగా తేలి, జైలు శిక్షతో పాటు జరిమానా ఎదుర్కొన్నట్లు అధికారులు స్పష్టం చేశారు.

ఉత్సవాల్లో మహిళలకు ఎలాంటి ఇబ్బందులు కలగకుండా చూసేందుకు ఈ చర్యలు ఎంతగానో ఉపయోగపడతాయని భావిస్తున్నారు. భవిష్యత్తులో కూడా ఎవరైనా మహిళల పట్ల అనాగరికంగా ప్రవర్తిస్తే తీవ్ర పరిణామాలు ఉంటాయని పోలీసులు స్పష్టమైన హెచ్చరికలు జారీ చేశారు. వేధింపులకు గురయ్యే మహిళలు భయపడకుండా వెంటనే షీ టీమ్స్‌ను ఆశ్రయించాలని, డయల్ 100 లేదా వాట్సాప్ నంబర్ ద్వారా అధికారులకు సమాచారం అందించాలని విజ్ఞప్తి చేశారు.