పచ్చని ప్రకృతి, చల్లని గాలులు, తేయాకు తోటలతో పర్యాటకులను విశేషంగా ఆకర్షించే మున్నార్‌లో మళ్లీ భయాందోళనలు పడగ విప్పాయి. పండుగ పూట ప్రశాంతంగా ఉన్న ఆ పర్వత ప్రాంతంలో అడవి ఏనుగుల భయం మళ్లీ మొదలైంది. కేరళలోని ఇడుక్కి జిల్లాలో ఉన్న ఈ ప్రముఖ పర్యాటక పట్టణంలో గజరాజుల సంచారం స్థానికులకు కంటి మీద కునుకు లేకుండా చేస్తోంది. ఏ క్షణంలో ఏ అడవి ఏనుగు జనావాసాలపై దాడి చేస్తుందోనని ప్రజలు బిక్కుబిక్కుమంటూ కాలం వెళ్లదీయాల్సిన దుస్థితి తలెత్తింది.