భారతదేశ వ్యాప్తంగా డిజిటల్ వ్యవస్థలు, కీలక మౌలిక సదుపాయాల్లో కాలమాన సమన్వయాన్ని చట్టబద్ధం చేస్తూ కేంద్ర ప్రభుత్వం చారిత్రాత్మక నిర్ణయం తీసుకుంది. దేశమంతటా ఒకే ప్రామాణిక కాలాన్ని అధికారికంగా, చట్టబద్ధంగా అమలు చేయాలనే సంకల్పంతో “లీగల్ మెట్రాలజీ (ఇండియన్ స్టాండర్డ్ టైమ్) నిబంధనలు, 2026″ను కేంద్ర వినియోగదారుల వ్యవహారాలు, ఆహార, ప్రజా పంపిణీ మంత్రిత్వ శాఖ అధికారికంగా నోటిఫై చేసింది. “ఒకే దేశం – ఒకే సమయం” (One Nation, One Time) నినాదంతో ప్రారంభమైన ఈ కార్యక్రమం దేశంలోని డిజిటల్ లావాదేవీలు, టెలికం రంగాలు, రవాణా వ్యవస్థలతో పాటు సమగ్ర సైబర్ భద్రతలో విప్లవాత్మక మార్పులకు నాంది పలికింది.