బుధవారం రాత్రి ఎండ వేడి ఎక్కువగా ఉండటంతో కూలర్ ఆన్ చేసి ఉంది. ఆ సమయంలో కూలర్‌లో నీరు అయిపోవడంతో, కృష్ణ నీటిని నింపేందుకు వెళ్లారు. అయితే, దురదృష్టవశాత్తూ కూలర్ స్విచ్ ఆఫ్ చేయకుండా లేదా ప్లగ్ తీయకుండానే ఆయన కూలర్‌ను పట్టుకున్నారు. ఇనుప ఫ్రేమ్ కావడం విద్యుత్ లీకేజీ ఉండటంతో ఆయనకు తీవ్రమైన విద్యుదాఘాతం తగిలి అక్కడికక్కడే కింద పడిపోయారు.

కింద పడిపోయిన కృష్ణను గమనించిన కుటుంబ సభ్యులు హుటాహుటిన ఆయన్ను సమీపంలోని ఆసుపత్రికి తరలించారు. అయితే, అప్పటికే ఆయన మృతి చెందినట్లు వైద్యులు ధృవీకరించారు. నిన్నటి వరకు తమతో కలిసున్న వ్యక్తి, చిన్న అజాగ్రత్త వల్ల ఇలా అకాల మరణం చెందడంతో ఆ కుటుంబం తీవ్ర దిగ్భ్రాంతికి లోనైంది.

మనం తీసుకోవాల్సిన జాగ్రత్తలు: ఇలాంటి ప్రమాదాలు పునరావృతం కాకుండా ఉండాలంటే ప్రతి ఒక్కరూ ఈ క్రింది జాగ్రత్తలు పాటించడం తప్పనిసరి. ఎయిర్ కూలర్‌లో నీరు నింపే ముందు ఖచ్చితంగా స్విచ్ ఆఫ్ చేయాలి. వీలైతే ప్లగ్ సాకెట్ నుండి తీసివేయడం అత్యంత సురక్షితం.

ఐరన్ బాడీ ఉన్న కూలర్లకు ఎర్త్ కనెక్షన్ సరిగ్గా ఉందో లేదో తరచూ తనిఖీ చేయించుకోవాలి. ప్లాస్టిక్ బాడీ కూలర్లు కొంతవరకు సురక్షితం. పాతబడిన వైర్లు లేదా కట్ అయిన వైర్ల వల్ల బాడీకి కరెంట్ వచ్చే అవకాశం ఉంటుంది. వేసవి ప్రారంభంలోనే మెకానిక్‌తో వైరింగ్ తనిఖీ చేయించుకోవాలి. కూలర్ ఆన్‌లో ఉన్నప్పుడు తడి చేతులతో స్విచ్‌లు లేదా బాడీని తాకకూడదు.