చేరో ఆర్చర్స్ ఘనవిజయంలో కెప్టెన్ అతాను దాస్, కాంపౌండ్ స్టార్, వరల్డ్ నంబర్ 1 మథియాస్ ఫుల్లర్టన్ కీలక పాత్ర పోషించారు. డెన్మార్క్ ఆర్చర్ ఫుల్లర్టన్ సంధించిన 6 బాణాలకు గానూ అత్యధికంగా 59 పాయింట్లు సాధించి మ్యాచ్‌లో టాప్ స్కోరర్‌గా నిలిచాడు. కాకతీయ నైట్స్ తమ తుది జట్టులో ఆస్ట్రియా కాంపౌండ్ స్టార్ నికో వీనర్ స్థానంలో శివశంకర్ ల్యాండ్‌కర్‌ను మైదానంలోకి దించింది. శివశంకర్, వెన్నం జ్యోతి సురేఖ జంట ఆకట్టుకున్నప్పటికీ ప్రత్యర్థి చేరో ఆర్చర్స్ ధాటికి తట్టుకోలేకపోయారు.

ఈ మ్యాచ్‌లో ఆరంభం నుంచే చేరో ఆర్చర్స్ పూర్తి ఆధిపత్యం ప్రదర్శించింది. తొలి సెట్‌లో మొదటి ఏడు బాణాలకు 70 పాయింట్లకు గానూ 69 పాయింట్లు సాధించి ఆర్చర్స్ జట్టు ముందంజ వేసింది. రెండో సెట్‌లో అతాను దాస్ పర్ఫెక్ట్ ఎక్స్ రింగ్ పాయింట్‌తో మెరిసి జట్టుకు 4-0 ఆధిక్యాన్ని అందించాడు. ఉత్కంఠగా సాగిన మూడో సెట్‌లో ఎనిమిది బాణాల తర్వాత స్కోరు సమంగా ఉన్న వేళ, తీవ్ర ఒత్తిడిలోనూ అతాను దాస్, కేసీ కాఫ్‌హోల్డ్ చెరో 10 పాయింట్ల బాణాలు విసిరి సెట్‌ను చేజిక్కించుకున్నారు. దాంతో నాలుగో సెట్‌తో అవసరం లేకుండానే 6-0తో ఘన విజయాన్ని ఖాయం చేసుకున్నారు.

చేరో ఆర్చర్స్ X మైటీ మరాఠాస్