గుజరాత్ టైటాన్స్‌తో జరిగిన మ్యాచ్‌లో చెన్నై సూపర్ కింగ్స్ బ్యాటర్లు చెత్త పెర్ఫామెన్స్ కనబరిచారు. టాస్ ఓడి బ్యాటింగ్‌కు దిగిన సీఎస్కే నిర్ణీత 20 ఓవర్లలో 7 వికెట్లు కోల్పోయి 158 పరుగులు మాత్రమే చేయగలిగింది. గత మ్యాచ్‌లో సెంచరీతో చెలరేగిన సంజూ శాంసన్ (11) ఈ మ్యాచ్‌లో తక్కువ పరుగులకే ఔటయ్యాడు. కెప్టెన్ రుతురాజ్ గైక్వాడ్ ఒక్కడే ఒంటరి పోరాటం చేశాడు. 60 బంతుల్లో 74 (6 ఫోర్లు, 4 సిక్సులు) పరుగులు సాధించి జట్టును ఆదుకున్నాడు. ఉర్విల్ పటేల్ (4), సర్ఫరాజ్ ఖాన్ (0), డెవాల్డ్ బ్రేవిస్ (2), శివమ్ దూబే (22).. ఇలా టాప్ ఆర్డర్ మొత్తం చేతులెత్తేశారు. ఐతే చివర్లో ఓవర్టన్ 18 (3 ఫోర్లు, 1 సిక్స్) భారీ షాట్లతో కాసేపు అలరించాడు. కానీ జట్టు భారీ స్కోర్ చేయలేకపోయింది. ఇక గుజరాత్ బౌలర్లలో రబాడా 3, అర్షద్ 2 వికెట్లు పడగొట్టగా.. సిరాజ్, సుతార్ చెరో వికెట్ పడగొట్టారు.