లేడీ ఓరియెంటెడ్ సినిమాల్లో తనకంటూ ప్రత్యేక గుర్తింపు తెచ్చుకున్న సమంత, ఈ సినిమాతో మరోసారి తన లోని డిఫరెంట్ యాంగిల్ చూపించిందని ట్రైలర్ ద్వారా అర్థమవుతోంది. 3 నిమిషాల 5 సెకనుల నిడివితో కట్ చేసిన ఈ వీడియోలో సమంతనే మేజర్ హైలైట్ చేశారు. ప్రతి డైలాగ్ కూడా ఆలోచింపజేసేలా ఉండటమే గాక సినిమాపై భారీ హైప్ తీసుకొచ్చేలా ఉంది. ఈ ట్రైలర్ లో సమంత చాలా కొత్తగా కూడా కనిపించింది. ఓ వైపు అమాయకపు కోడలిగా, మరోవైపు గూండాలను హడలెత్తించే అండర్‌ వరల్డ్ మహిళగా అదరగొట్టింది. నటనలో పలు వేరియేషన్స్ చూపిస్తూ వావ్ అనిపించింది. మరీ ముఖ్యంగా సమంత లుక్ అయితే అందరినీ ఆకట్టుకునేలా ఉంది. ఒక కోడలికి ఎన్ని లక్షణాలు ఉండాలి? నాకు ఇవేవీ లేవే.. అనే డైలాగ్, నా ప్రాణం అడ్డుపెట్టైనా ..నా ఫ్యామిలీ కి ఏమి కాకుండా చూస్కుంటా అనే డైలాగ్ బాగా హైలైట్ అవుతున్నాయి. కొత్త జీవితంలోకి అడుగుపెట్టిన ఓ అమ్మాయి జీవితం ఎలా మలుపు తిరిగింది అనే లైన్ తో మా ఇంటి బంగారం సినిమా తెరకెక్కినట్లు ఈ వీడియో ద్వారా తెలుస్తోంది. ఏదిఏమైనా మా ఇంటి బంగారం ట్రైలర్ మాత్రం ఈ సినిమాపై ప్రేక్షకుల్లో ఉన్న ఆసక్తిని రెట్టింపు చేసిందనే చెప్పుకోవాలి.

తన సొంత బ్యానర్ ‘ట్రాలాలా మూవింగ్ పిక్చర్స్’ పై ఈ సినిమాను సమంతనే నిర్మించగా.. ఆమె భర్త, ప్రముఖ దర్శకుడు రాజ్ నిడిమోరు ఈ చిత్రానికి కథ అందించడం విశేషం. ఈ చిత్రంలో దిగంత్, గుల్షన్ దేవయ్య, సీనియర్ నటి గౌతమి, మంజుషా, శ్రీముఖి తదితరులు కీలకపాత్రలు పోషించారు. సంతోష్ నారాయణన్ సంగీతం అందిస్తున్నారు. ఇప్పటికే అన్ని కార్యక్రమాలు పూర్తి చేసుకున్న ఈ సినిమా జూన్ 19న థియేటర్లలో ప్రపంచవ్యాప్తంగా విడుదల కానుంది. సో, చూడాలి మరి సోలోగా సమంత ఏ రేంజ్ హిట్ పడుతుందనేది.