స్థానిక పోలీసులు తెలిపిన వివరాల ప్రకారం.. ఈ షాకింగ్ ఘటన చంద్రగిరి నియోజకవర్గం పరిధిలోని ఉప్పరపల్లిలో చోటుచేసుకుంది. చంద్రగిరి పోలీస్ స్టేషన్‌లో వెంకటరమణ అనే వ్యక్తి చాలాకాలంగా కానిస్టేబుల్‌గా విధులు నిర్వర్తిస్తున్నాడు. వృత్తిరిత్యా ఇతనికి స్థానికంగా ఉన్న ఓ వెటర్నరీ డాక్టర్‌తో సన్నిహిత పరిచయం ఏర్పడింది. స్నేహితులుగా మారిన ఆ ఇద్దరూ తరచుగా కలుసుకునేవారు. ఈ క్రమంలోనే సమయం దొరికినప్పుడల్లా పార్టీలు చేసుకునే అలవాటు కూడా వారికి ఉంది. ఆ అలవాటులో భాగంగానే ఇద్దరూ కలిసి ఉప్పరపల్లిలో ఉన్న ఓ మద్యం దుకాణానికి వెళ్లారు. అక్కడ కూర్చుని ఇద్దరూ కలిసి పీకల దాకా మద్యం సేవించారు.

తీవ్రంగా గాయపడి ప్రాణాపాయ స్థితిలో కొట్టుమిట్టాడుతున్న ఆ పశువైద్యుడిని గమనించిన స్థానికులు వెంటనే మానవత్వంతో స్పందించారు. అత్యవసర చికిత్స నిమిత్తం ఆయనను హుటాహుటిన తిరుపతిలో ఉన్న ప్రసిద్ధ రుయా ఆసుపత్రికి తరలించారు. ప్రస్తుతం ఆసుపత్రిలోని అత్యవసర విభాగంలో డాక్టర్ల బృందం ఆయనకు ముమ్మరంగా చికిత్స అందిస్తోంది. బాధితుడి పరిస్థితి అత్యంత విషమంగానే ఉన్నట్లు సమాచారం అందుతోంది. మరోవైపు ఈ ఘటనపై సమాచారం అందుకున్న తిరుపతి రూరల్ పోలీసులు వెంటనే ఘటనా స్థలానికి చేరుకుని పూర్తి స్థాయిలో వివరాలు సేకరించారు. బాధితుడి తరపు వారి ఫిర్యాదు మేరకు కేసు నమోదు చేసుకుని, ప్రస్తుతం పరారీలో ఉన్న నిందితుడు కానిస్టేబుల్ వెంకటరమణ కోసం విస్తృతంగా గాలింపు చర్యలు ముమ్మరం చేశారు.