తెలుగు రాష్ట్రాలైన ఆంధ్రప్రదేశ్, తెలంగాణ (AP/TG) లలో ఈ చిత్రం అత్యధికంగా రూ. 4.75 కోట్ల గ్రాస్‌తో టాప్‌లో నిలిచింది. కర్ణాటకలో రూ. 90 లక్షలు, తమిళనాడులో రూ. 38 లక్షల గ్రాస్ వసూళ్లు నమోదయ్యాయి. తొలి షోతో పోల్చితే తెలుగు 2D వెర్షన్‌కు రోజంతా ఆక్యుపెన్సీ క్రమంగా పెరుగుతూ వచ్చింది. ఉదయం షోలకు 26.15 శాతం ఆక్యుపెన్సీ నమోదు కాగా, పాజిటివ్ టాక్ రావడంతో నైట్ షోల సమయానికి అది 51.38 శాతానికి పెరిగింది. మరీ ముఖ్యంగా, ప్రీమియం తెలుగు EPIQ ఫార్మాట్‌లో ఈ చిత్రం ఏకంగా 96 శాతం ఓవరాల్ ఆక్యుపెన్సీని సొంతం చేసుకుంది. హైదరాబాద్‌లోని ప్రధాన థియేటర్లలో దాదాపు అన్ని చోట్లా హౌస్‌ఫుల్ బోర్డులు పడగా, నైట్ షోలకు నగరంలో 100 శాతం ఆక్యుపెన్సీ రికార్డైంది.

సమంత స్వయంగా నిర్మించిన ఈ చిత్రానికి బి.వి. నందిని రెడ్డి దర్శకత్వం వహించారు. ఒక సాధారణ గృహిణిగా కనిపిస్తూనే, తన కుటుంబాన్ని కాపాడుకునే క్రమంలో యాక్షన్ మోడ్‌లోకి వెళ్లే ‘స్వర్ణ’ పాత్రలో సమంత నటనకు ప్రేక్షకులు బ్రహ్మరథం పడుతున్నారు. సంతోష్ నారాయణన్ అందించిన బ్యాక్‌గ్రౌండ్ స్కోర్, యాక్షన్ సీక్వెన్స్ సినిమాకు ప్రధాన హైలైట్‌గా నిలిచాయి. ఈ చిత్రంలో దిగంత్, గుల్షన్ దేవయ్య, గౌతమి, మంజుష, శ్రీముఖి కీలక పాత్రల్లో నటించగా, వీకెండ్‌లో ఈ వసూళ్లు మరింత పెరిగే అవకాశం ఉందని ట్రేడ్ నిపుణులు అంచనా వేస్తున్నారు.