ఇటీవల ఐర్లాండ్‌తో జరిగిన టీ20 సిరీస్‌తో పాటు, ప్రస్తుతం కొనసాగుతున్న ఇంగ్లాండ్ పర్యటనకు కూడా ఈ 15 ఏళ్ల యువ ఆటగాడు తొలిసారి అంతర్జాతీయ పిలుపు అందుకోవడంతో అందరిలోనూ ఆసక్తి పెరిగింది. అయితే ఐర్లాండ్‌తో జరిగిన రెండు మ్యాచ్‌ల్లోనూ తుది జట్టులో చోటు దక్కించుకోలేకపోయిన సూర్యవంశీ.. బుధవారం చెస్టర్-లీ-స్ట్రీట్‌ (రివర్‌సైడ్ గ్రౌండ్) లో ఇంగ్లాండ్‌తో జరిగిన మొదటి టీ20లోనూ బెంచ్‌కే పరిమితమయ్యాడు.

“సూర్యవంశీకి అవకాశం వచ్చినప్పుడు ఖచ్చితంగా ఒత్తిడి ఉంటుంది. కానీ, 15 ఏళ్ల వయసులో ఒత్తిడి గురించి ఎక్కువగా ఆలోచించరు. రెండో లేదా మూడో మ్యాచ్‌లో అవకాశం వస్తే వెంటనే పరుగుల వరద పారించాలనే విషయం అతనికి తెలుసు. అయినప్పటికీ, ప్రస్తుతానికి అతడు టీమిండియా డ్రెస్సింగ్ రూమ్‌లో అద్భుతమైన ఆటగాళ్లతో కలిసి ప్రయాణించడం, వారి నుంచి ఎన్నో విషయాలు నేర్చుకోవడం చాలా గొప్ప విషయం” అని గవాస్కర్ పేర్కొన్నారు.

మరోవైపు సంజూ శాంసన్ (1), ఇషాన్ కిషన్ (0), తిలక్ వర్మ (13) నిరాశపరిచినప్పటికీ.. చివర్లో శివమ్ దూబే కేవలం 21 బంతుల్లోనే 42 పరుగులతో అజేయంగా రాణించి స్కోరును బోర్డును పరిగెత్తించాడు. ఇంగ్లాండ్ బౌలర్లలో సాకిబ్ మహమూద్ 4 ఓవర్లలో 33 పరుగులిచ్చి 3 వికెట్లు పడగొట్టాడు.

భారత్ నిర్దేశించిన 190 పరుగుల భారీ లక్ష్యంతో ఇంగ్లాండ్ చేజ్ ప్రారంభించాల్సిన తరుణంలో ఎడతెరిపి లేకుండా కురిసిన వర్షం కారణంగా మ్యాచ్‌ను పూర్తిగా రద్దు (Abandoned) చేశారు.