అభిమానుల ఆగ్రహం జింబాబ్వే సిరీస్ ఎంపికలో పలువురు సీనియర్ ఆటగాళ్లకు నిరాశే మిగిలింది. ఇంగ్లాండ్‌తో టీ20లు ఆడిన వికెట్ కీపర్ సంజూ శాంసన్‌ను తప్పించడం తీవ్ర చర్చనీయాంశమైంది. అజిత్ అగార్కర్ నేతృత్వంలోని సెలెక్షన్ కమిటీ నిర్ణయంపై అభిమానులు తీవ్ర అసంతృప్తి వ్యక్తం చేస్తున్నారు. శాంసన్‌తో పాటు పేసర్లు అర్షదీప్ సింగ్, ప్రసిద్ధ్ కృష్ణ, హర్షిత్ రాణాలను పక్కనబెట్టారు. ఆల్‌రౌండర్లు అక్షర్ పటేల్, వాషింగ్టన్ సుందర్‌లకు ఈసారి చోటు దక్కలేదు. ఇక ఇంగ్లాండ్‌తో జరిగిన మూడో టీ20లో గాయపడిన వరుణ్ చక్రవర్తి సిరీస్ మొత్తానికి దూరమయ్యారు.

రింకూ రీఎంట్రీ ఇంగ్లాండ్‌ పర్యటనకు దూరమైన స్టార్ ఫినిషర్ రింకూ సింగ్ తిరిగి భారత జట్టులోకి వచ్చారు. టీ20 ప్రపంచకప్ విజయంలో భాగమైన ఈ అలీగఢ్ బ్యాటర్ పునరాగమనం జట్టుకు కొండంత బలాన్నిస్తోంది. వేగవంతమైన బౌలర్ మయాంక్ యాదవ్ ఎట్టకేలకు గాయాల నుంచి కోలుకుని రీఎంట్రీ ఇచ్చారు. వీరితో పాటు అరంగేట్రం కోసం ఎదురుచూస్తున్న యువ ఫాస్ట్ బౌలర్లు అశోక్ శర్మ, యశ్ ఠాకూర్ తొలిసారి జాతీయ జట్టుకు ఎంపికయ్యారు. విదర్భ స్పిన్నర్ హర్ష్ దూబే తొలిసారి టీ20 జట్టు పిలుపు అందుకున్నారు. ఐపీఎల్ 2026లో పంజాబ్ కింగ్స్ తరఫున అత్యధిక పరుగులు చేసిన వికెట్ కీపర్ బ్యాటర్ ప్రభ్‌సిమ్రన్ సింగ్‌కు జట్టులో చోటు లభించింది.

గత ఇంగ్లాండ్ సిరీస్ నుంచి శ్రేయస్ అయ్యర్, వైభవ్ సూర్యవంశీ, అభిషేక్ శర్మ, తిలక్ వర్మ, ఇషాన్ కిషన్, శివం దూబే, సూర్యాంశ్‌ షెడ్గే, ప్రిన్స్ యాదవ్, రవి బిష్ణోయ్ తమ స్థానాలను కాపాడుకున్నారు.