ఇదే ప్రాంతంలో నటుడు ప్రకాష్ రాజ్‌కు కూడా పట్టా భూమి ఉంది. అయితే, ఆయన ఆస్తికి ఆనుకుని ఉన్న కొంత భూమికి పట్టా లేదని పీరుమేడు తహసీల్దార్ స్పష్టం చేశారు. ఇక్కడ ఆయనకు 1.5 ఎకరాల భూమి ఉంది. మీడియా వర్గాల సమాచారం ప్రకారం, ఈ పట్టా లేని భూమి సుమారు 40 సెంట్లు ఉండవచ్చని తెలుస్తోంది. ఈ క్రమంలో ఆయన సమక్షంలోనే ఈ భూమిని కొలిచి, సర్వే చేసేందుకు రెవెన్యూ అధికారులు నోటీసులు జారీ చేశారు.

పీరుమేడు తహసీల్దార్ జోజో వి. సెబాస్టియన్, ఎల్ఎ (LA) తహసీల్దార్ ఆర్. హరీంద్రనాథ్, వాగమన్ గ్రామ అధికారి పి.బి. గోపి కృష్ణన్, ఏలప్పార గ్రామ అధికారి విజయకుమార్‌లతో పాటు తాలూకా అధికారులు, భూసంరక్షణ దళం సభ్యుల నేతృత్వంలో ఈ చర్యలు చేపట్టారు.

దురైరాజ్, అతని నానమ్మ సుబ్బమ్మలకు చెందిన రెండున్నర ఎకరాల పట్టా భూమి ముసుగులో ఈ రెవెన్యూ భూమిని ఆక్రమించి సాగు చేశారు. దీనికి ఆనుకుని ఉన్న దాదాపు 10 ఎకరాల భూమిని ఆక్రమించి, అందులో వ్యవసాయం కూడా చేస్తున్నారు.