ఈ విషయాన్ని గమనించిన నిందితుడు పాళం రూపేష్ కుమార్ (36) అనే కృష్ణపట్నం రైల్వేస్టేషన్ లోకోపైలట్, ఆమె ఇంట్లోకి చొరబడి దారుణానికి ఒడిగట్టాడు. జ్యోతి బంధువులు నెల్లూరులో ఉండటంతో, వారి ద్వారా రూపేష్‌కి ఆమె కుటుంబంతో ముందే పరిచయం ఉంది. ఆ పరిచయంతోనే వారి ఆర్థిక స్థితిగతులు, జ్యోతి ఒంటరిగా ఉన్న సమయాన్ని క్షుణ్ణంగా తెలుసుకుని ఈ ఘాతుకానికి వ్యూహం రచించాడు.

రాజంపేటలో స్కూటీ వదిలి.. దారి మళ్లించి

నేరం చేసిన తర్వాత కొన్ని గంటల పాటు ఆ ఇంట్లోనే గడిపిన రూపేష్, ఆపై దొంగిలించిన స్కూటీపై రాజంపేట బస్టాండ్‌కు చేరుకున్నాడు. స్కూటీని అక్కడే వదిలేసి, పోలీసుల దృష్టి మళ్లించేందుకు తిరుపతి, కడప మీదుగా తిరుగుతూ చివరికి కృష్ణపట్నం చేరుకున్నాడు. పోలీసులు సీసీ కెమెరాల ఆధారంగా నిందితుడి కదలికలను గమనించినప్పటికీ, ముఖం కప్పి ఉండటంతో గుర్తుపట్టడం కష్టమైంది. అయితే, నిందితుడు రాజంపేటలో వదిలేసిన స్కూటీ యొక్క ఇంజన్ నంబర్ ఆధారంగా అసలు యజమానిని పట్టుకుని, అతడు ఇచ్చిన క్లూతో రూపేష్ కుమార్‌ను కృష్ణపట్నం రైల్వేస్టేషన్ వద్ద అరెస్టు చేశారు.