కోర్టు ఎందుకు సమన్లు పంపింది? కేసు పూర్తి వివరాలు:

డిసెంబర్ 4, 2024న హైదరాబాద్ ఆర్టీసీ క్రాస్ రోడ్స్‌లోని సంధ్యా థియేటర్‌లో ‘పుష్ప 2: ది రూల్’ సినిమా స్పెషల్ ప్రీమియర్ షో వేశారు. ఆ సమయంలో హీరో అల్లు అర్జున్‌ను చూసేందుకు అభిమానులు భారీ ఎత్తున పోటెత్తడంతో తీవ్రమైన తొక్కిసలాట జరిగింది. ఈ దుర్ఘటనలో రేవతి అనే 39 ఏళ్ల మహిళ ఊపిరాడక మరణించగా, ఆమె ఎనిమిదేళ్ల కుమారుడు శ్రీతేజ తీవ్రంగా గాయపడ్డాడు.

ఈ ఛార్జిషీటును పరిశీలించిన నాంపల్లి క్రిమినల్ కోర్టు, నేడు (జూన్ 22న) విచారణకు స్వయంగా హాజరు కావాలని అల్లు అర్జున్‌తో పాటు మరో 19 మందికి సమన్లు జారీ చేసింది. అంతకుముందు డిసెంబర్ 13, 2024 న ఈ కేసుకు సంబంధించి అల్లు అర్జున్‌ను పోలీసులు అరెస్ట్ చేయగా, తెలంగాణ హైకోర్టు నుంచి మధ్యంతర బెయిల్ పొంది విడుదలయ్యారు. తర్వాత ఆయనకు షరతులతో కూడిన రెగ్యులర్ బెయిల్ కూడా మంజూరైంది.

కోర్టు ఆదేశాల ప్రకారం నేడు అల్లు అర్జున్ స్వయంగా నాంపల్లి కోర్టులో విచారణకు హాజరుకావాల్సి ఉంది. అయితే, ఆయన నేరుగా కోర్టుకు వస్తారా? లేక ఈ కేసులో తనపై ఉన్న అభియోగాలను కొట్టివేయాలని కోరుతూ క్వాష్ పిటిషన్ (Quash Petition) వేసి వ్యక్తిగత హాజరు నుంచి మినహాయింపు కోరుతారా అనేది ఇంకా సస్పెన్స్‌గానే ఉంది. దీనిపై అల్లు అర్జున్ న్యాయ బృందం స్పందిస్తూ.. “సోమవారం విచారణకు వ్యక్తిగతంగా హాజరుకావాలని నాంపల్లి కోర్టు సమన్లు జారీ చేసింది, దీనికి సంబంధించిన మరిన్ని వివరాలు త్వరలో వెల్లడిస్తాం” అని మాత్రమే చెప్పింది. ఒకవేళ నేడు నిందితులందరూ కోర్టు ముందుకు హాజరైతే, తర్వాతి ట్రయల్ ప్రక్రియ ప్రారంభమయ్యే అవకాశం ఉంటుంది.