AUS vs ENG Final: మహిళల టి20 ప్రపంచకప్ 2026 (Women’s T20 World Cup 2026)లో ఆస్ట్రేలియా చాంపియన్‌గా నిలిచింది. ఆదివారం జరిగిన ఫైనల్లో ఇంగ్లండ్‌పై 7 వికెట్ల తేడాతో ఘనవిజయం సాధించింది. 151 పరుగుల లక్ష్యాన్ని కేవలం 17.1 ఓవర్లలో 3 వికెట్లు మాత్రమే నష్టపోయి ఛేదించి ఏడోసారి పొట్టి ప్రపంచకప్‌లో జగజ్జేతగా నిలిచింది. బెత్ మూనీ (49 బంతుల్లో 64; 10 ఫోర్లు) టాప్ స్కోరర్‌గా నిలిచింది. లిచ్ ఫీల్డ్ (48) రాణించింది. ఫలితంగా ఆస్ట్రేలియా విజయం సులభం అయ్యింది. ఇంగ్లండ్ బౌలర్లు ఆస్ట్రేలియా బ్యాటర్లను ఏ మాత్రం కట్టడి చేయలేకపోయారు. అంతుకుముందు టాస్ ఓడి తొలుత బ్యాటింగ్‌కు దిగిన ఇంగ్లండ్ 20 ఓవర్లలో 4 వికెట్లకు 150 పరుగులు చేసింది. కెప్టెన్ నాట్ సీవర్ బ్రంట్ (53 బంతుల్లో 58 నాటౌట్; 5 ఫోర్లు) టాప్ స్కోరర్‌గా నిలిచింది. అర్ధ సెంచరీ చేసినా చాలా నెమ్మదిగా ఆడింది. చివర్లో ప్రియా కెంప్ (28 బంతుల్లో 44 నాటౌట్; 4 ఫోర్లు, 1 సిక్సర్) ధాటిగా ఆడటంతో ఇంగ్లండ్ 150 పరుగుల మార్కును అందుకుంది. ఆస్ట్రేలియా బౌలర్లలో కిమ్ గార్థ్, లూసీ హామిల్టన్, సోఫీ, సదర్లాండ్‌లకు తలా ఒక వికెట్ లభించింది. ఆస్ట్రేలియా 20 ఓవర్లలో 151 పరుగులు చేస్తే.. 7వసారి టి20 ప్రపంచకప్ ఛాంపియన్‌గా నిలుస్తుంది.