పోలీసుల కథనం ప్రకారం.. కోయంబత్తూరు సమీపంలోని తొండముత్తూరుకు చెందిన ఒక యువతికి, అదే ప్రాంతానికి చెందిన కార్తీక్ అనే యువకుడితో పరిచయం ఏర్పడింది. అయితే, కార్తీక్ ఒక సాధారణ వ్యక్తి కాదని.. అతనిపై స్థానిక పోలీస్ స్టేషన్లలో ఏకంగా 31 క్రిమినల్ కేసులు పెండింగ్‌లో ఉన్నాయనే నిజం సదరు యువతికి తెలిసింది. అతను ఒక రౌడీషీటర్ అని తెలియడంతో, ఆ యువతి అతనితో మాట్లాడటం పూర్తిగా మానేసింది. అంతేకాకుండా అతని ప్రేమ ప్రతిపాదనను సైతం నిరాకరించి, దూరం పెట్టింది.

తనను దూరం పెట్టడాన్ని తట్టుకోలేకపోయిన కార్తీక్, ఆ యువతిపై తీవ్ర కక్ష పెంచుకున్నాడు. దాడికి ముందు ఆమెను చంపేస్తానంటూ పలుమార్లు ఫోన్లలో బెదిరింపులకు కూడా పాల్పడ్డాడు. ఈ క్రమంలోనే ఆదివారం అర్ధరాత్రి దాటిన తర్వాత పెట్రోల్ నింపిన సీసాలతో యువతి ఇంటిపైకి దూసుకొచ్చాడు.

భారీ శబ్దం రావడంతో భయపడిపోయిన యువతి కుటుంబ సభ్యులు, చుట్టుపక్కల ప్రజలు వెంటనే బయటకు వచ్చి మంటలను ఆర్పివేశారు. తృటిలో పెద్ద ప్రమాదం తప్పడంతో అందరూ ఊపిరి పీల్చుకున్నారు. బాధితుల ఫిర్యాదు మేరకు తొండముత్తూరు పోలీసులు సంఘటనా స్థలానికి చేరుకుని క్లూస్ టీమ్ సహాయంతో ఆధారాలు సేకరించారు.