ఫస్ట్ హాఫ్ ముగిసే సమయానికి కొన్ని క్షణాల ముందు మైఖేల్ ఒలిసే, ఉస్మానే డెంబెలే అందించిన పాస్‌ను అందుకుని ఎంబాపె ఫ్రాన్స్ ఖాతాలో మొదటి గోల్ వేశాడు. సెకండ్ హాఫ్ ప్రారంభమైన వెంటనే ఫ్రాన్స్ మరింత దూకుడు పెంచింది. మైఖేల్ ఒలిసే అందించిన పాస్‌తో పారిస్ సెయింట్-జర్మన్ వింగర్ బ్రాడ్లీ బార్కోలా జట్టుకు రెండో గోల్ అందించాడు. మ్యాచ్ మధ్యలో ఒలిసే అందించిన మరో అద్భుతమైన పాస్‌ను ఎంబాపె గోల్‌గా మలిచి ఫ్రాన్స్ విజయాన్ని 3-0 తో ఖాయం చేశాడు.

ప్రపంచకప్ నాకౌట్ మ్యాచ్‌లలో అత్యధిక గోల్స్ చేసిన తన పాత రికార్డును ఎంబాపె మరింత ముందుకు తీసుకెళ్లాడు. ప్రస్తుతం నాకౌట్ స్టేజ్‌లలో అతని మొత్తం గోల్స్ సంఖ్య 9కి చేరింది.

ఈ రెండు గోల్స్‌తో వరల్డ్ కప్ చరిత్రలో ఎంబాపె చేసిన మొత్తం గోల్స్ సంఖ్య 18కి చేరింది. లియోనెల్ మెస్సి ఆల్‌టైమ్ రికార్డు (19 గోల్స్)కు అతను కేవలం ఒకే ఒక్క గోల్ దూరంలో ఉన్నాడు.

ఈ టోర్నమెంట్‌లో 6 గోల్స్, రెండు అసిస్ట్‌లతో ఎంబాపె ప్రస్తుతం గోల్డెన్ బూట్ రేసులో అగ్రస్థానంలో కొనసాగుతున్నాడు.మొదటి గోల్ చేసిన తర్వాత ఎంబాపె నేరుగా వెళ్లి తన మేనేజర్/కోచ్ ను ఆలింగనం చేసుకున్నాడు. ఇటీవలే తన తల్లి అంత్యక్రియలకు హాజరై తిరిగి వచ్చిన కోచ్‌కు ఈ గోల్ ద్వారా జట్టు మొత్తం తమ మద్దతును, ఐక్యతను చాటిచెప్పింది.

ఫ్రాన్స్ జట్టు ఈ ప్రపంచకప్‌లో ఆడిన నాలుగు మ్యాచ్‌లలోనూ విజయం సాధించి, 13 గోల్స్ చేసి కేవలం 2 గోల్స్ మాత్రమే సమర్పించుకుని అజేయంగా నిలిచింది. రౌండ్ ఆఫ్ 16 లో ఫ్రాన్స్ జట్టు పరాగ్వే (Paraguay) తో తలపడనుంది. జర్మనీని పెనాల్టీ షూటౌట్‌లో ఓడించి పరాగ్వే రౌండ్ ఆఫ్ 16 కి దూసుకొచ్చింది.

అంతకుముందు జరిగిన మరొక రౌండాఫ్ 32 మ్యాచ్‌లో ఐవరీ కోస్ట్‌పై నార్వే విజయం సాధించింది. ఈ మ్యాచ్‌లో నార్వే 2-1తో ఐవరీ కోస్ట్‌పై గెలిచి ప్రిక్వార్టర్స్‌లో ప్రవేశించింది. ప్రిక్వార్టర్స్‌లో ఐదుసార్లు ఛాంపియన్ బ్రెజిల్‌తో నార్వే తలపడనుంది.