ఇదిలా ఉండగా, సుమారు ఐదు నెలల క్రితం తల్లి అనిత గుండెపోటు (హార్ట్ అటాక్)తో అకస్మాత్తుగా మరణించింది. ప్రాణంగా భావించే తల్లి కళ్ల ముందే కన్నుమూయడంతో రోహిత్ తీవ్ర దిగ్భ్రాంతికి గురయ్యాడు. తల్లి మరణించినప్పటి నుంచి అతడు తీవ్ర మనోవేదనతో, మానసిక కుంగుబాటుకు గురయ్యాడు. ఇల్లు ఖాళీగా అనిపించడం, నిరంతరం తల్లి జ్ఞాపకాలే గుర్తొస్తుండటంతో తీవ్ర ఒంటరితనంతో బాధపడేవాడు.

అయితే సాయంత్రమై చీకటి పడుతున్నప్పటికీ రోహిత్ ఇంట్లో నుంచి ఎలాంటి సప్పుడు రాకపోవడం, కనీసం లైట్లు కూడా వేయకపోవడంతో పక్కంటి వారికి అనుమానం వచ్చింది. వెంటనే వారు ఇంటి వెనుక వైపు ఉన్న గిటికి నుంచి లేదా వెనుక తలుపు గుండా గదిలోకి వెళ్లి పరిశీలించారు. అక్కడ కనిపించిన దృశ్యం చూసి వారు ఒక్కసారిగా దిగ్భ్రాంతికి గురయ్యారు. రోహిత్ గదిలోని పైకప్పు రాడ్డుకు వస్త్రంతో ఉరేసుకుని వేలాడుతూ కనిపించాడు.

తల్లి దూరమైనప్పటి నుంచి రోహిత్ తీవ్ర మానసిక ఒత్తిడి, వేదనలో ఉన్నాడని, ఆ బాధను తట్టుకోలేకే అతడు ఈ దారుణ నిర్ణయం తీసుకున్నాడని కుటుంబ సభ్యులు తెలిపారు. అతడి మృతిపై తమకు ఎలాంటి అనుమానాలు లేవని పోలీసులకు ఇచ్చిన ఫిర్యాదులో పేర్కొన్నారు.