ఇక మరోవైపు వేదవతి కూడా తన పుట్టింటి వాళ్ళు వచ్చారని పిండివంటలు తయారు చేసి వడ్డించే పనిలో పడుతుంది. కిచెన్ లోకి వెళ్లి అందరి ముందూ “మా వాళ్లకు అది చేయాలి.. ఇది చేయాలి” అని గొప్పలు చెప్పుకుంటుంటే, నర్మద మాత్రం ఎప్పటికప్పుడు ఘాటైన సమాధానాలతో కౌంటర్లు వేస్తూ ఉంటుంది. అంతేకాకుండా, రెండు కుటుంబాలు కలిశాయని ఊరంతా తెలిసేలా ఫోన్ లో స్టేటస్ పెట్టమని వేదవతి అమూల్యకు చెప్తుంది. దానికి నర్మద “ఊర్లో వాళ్ళందరూ ఉండాలిగా మరి ఉన్నారా?” అని అడగడంతో.. “అయ్యో, నా ఫోన్ లో మీ నెంబర్లు తప్ప వేరేవి లేవు కదా” అని వేదవతి సర్దుకుంటుంది.

ఇక భోజనాల దగ్గర సేన మాటలతో గొడవ మొదలు పెడుతాడు… “ముందు మగవాళ్ళు తిననివ్వండి, ఆ తర్వాత మనం ప్రశాంతంగా తిందాం” అని వేదవతి అంటుంది.. దాంతో ఇటు రామరాజు కుటుంబం అటు సేన కుటుంబం భోజనానికి కూర్చుంటారు.. అయితే వాళ్ళు అలా కూర్చున్నప్పటి నుంచీ ప్రశాంతంగా ఉండకుండా ఏదో ఒక మాట అంటూనే ఉంటాడు సేన..

అన్నయ్య వచ్చాడన్న సంతోషంతో వేదవతి మొదట మౌనంగా ఉన్నా.. సేన మాటలు ఎక్కువ అవ్వడంతో షాక్ అవుతుంది. సేన తింటూ తింటూనే రామరాజుని, ఆయన కొడుకులను ఘోరంగా అవమానిస్తాడు. “నువ్వంటే ఏదో ఉద్యోగం చేస్తున్నావ్ ఓకే, కానీ ఈ కూలోళ్లు మాత్రం ఏ పనీ పాట లేకుండా కూలి పనులు చేసుకుంటున్నారు” అని సూరితో హేళనగా మాట్లాడుతాడు.. దానికి కొడుకులు తిరిగి సీరియస్ గా సమాధానం చెప్పబోతే రామరాజు వారించి నా కొడుకులు డిగ్రీలు చేసి నచ్చిన పని చేసుకుంటున్నారు అని అంటాడు.

అంతటితో ఆగకుండా సేన శృతిమించి మాట్లాడుతాడు.. ఒకడు రైస్ మిల్ లో కులోడు.. ఇంకొకడు కారు నడుపుతున్నాడు.. ఇంకొకడు ఊర్లో వాళ్ళ డబ్బు కొట్టేసి పెళ్ళాం నగలు తాకట్టు పెట్టి ఉద్యోగం తెచ్చుకున్నాడు అని హేళన చేస్తాడు.. ఆతర్వాత కూడా ఆగకుండా ప్రేమను ఆస్తి కోసమే ధీరజ్ పెళ్లి చేసుకున్నాడని… అప్పట్లో రామరాజు ఏ పని చేశాడో ధీరజ్ అదే చేశాడని అవమానిస్తాడు. ఈ మాటలకు వేదవతి సీరియస్ అవుతుంది. ఇంతటితో ఈరోజు ఎపిసోడ్ పూర్తవుతుంది.