థర్డ్ అంపైర్ రీప్లేలో అక్షర్ పటేల్ ఎలాగోలా తన క్రీజులోకి అడుగుపెట్టినట్లు తేలినా, మోటీ బెయిల్స్ ఎగరేసే సమయానికి తిలక్ వర్మ మాత్రం క్రీజుకు చాలా దూరంలో కనిపించాడు. దాంతో అంపైర్ తిలక్‌ను ఔట్‌గా ప్రకటించాడు. బిగ్‌స్క్రీన్‌పై ఔట్ అని పడగానే అక్షర్ ముఖంలో చిన్న నవ్వు కనిపించినా, డగౌట్‌లో ఉన్న హెడ్ కోచ్ గౌతమ్ గంభీర్ మాత్రం తీవ్ర అసహనం వ్యక్తం చేశాడు.

అలాగే 2018లో అబుదాబి వేదికగా పాకిస్థాన్, ఆస్ట్రేలియా మధ్య జరిగిన టెస్టులోనూ పాక్ బ్యాటర్ అజహర్ అలీ భారీ మూల్యం చెల్లించుకున్నాడు. బంతి ఎడ్జ్ తీసుకుని బౌండరీ వెళ్లిపోయిందనుకున్న అజహర్, మరో బ్యాటర్ అసద్ షఫీక్‌తో మాట్లాడేందుకు పిచ్ మధ్యలోకి వచ్చాడు. అయితే మిచెల్ స్టార్క్ ఆ బంతిని బౌండరీ రోప్‌కు కొద్ది దూరంలోనే ఆపేశాడు. వెంటనే బంతిని అందుకున్న వికెట్ కీపర్ టిమ్ పైన్ వికెట్లను పడగొట్టాడు. బంతి ఇంకా డెడ్ కాకపోవడంతో అంపైర్లు అజహర్ అలీని రనౌట్‌గా ప్రకటించారు. ఏకాగ్రత లోపించడం వల్ల జరిగిన ఆ తప్పిదం అప్పట్లో పెద్ద చర్చనీయాంశమైంది.