సన్‌రైజర్స్ హైదరాబాద్ బ్యాటింగ్ చేస్తున్న సమయంలో ఆర్సీబీ ఆల్‌రౌండర్ కృనాల్ పాండ్యా బౌలింగ్ చేయడానికి వచ్చాడు. ఈ సీజన్ లో విభిన్నమైన వైవిధ్యాలతో బౌలింగ్ చేస్తున్న కృనాల్.. హైదరాబాద్ యువ బ్యాటర్ నితీష్ రెడ్డికి ఊహించని విధంగా ఒక విచిత్రమైన, అత్యంత వేగవంతమైన షార్ట్ పిచ్ బౌన్సర్ వేశాడు. స్పిన్ బౌలర్ నుండి అంత వేగంగా బంతి తల మీదుగా వెళ్లడంతో బ్యాటర్ తో పాటు స్టేడియంలో ఉన్నవారంతా ఒక్కసారిగా ఆశ్చర్యపోయారు. ఆ బంతి ఎంత ఎత్తుకు వెళ్ళిందంటే అంపైర్ దానిని ‘వైడ్’ గా ప్రకటించాల్సి వచ్చింది.

కృనాల్ వేసిన ఆ బంతితో తీవ్ర అసంతృప్తికి గురైన కావ్య మారన్.. వెంటనే తన సీటు నుండి వెనక్కి తిరిగి పక్కనే ఉన్న టాలీవుడ్ స్టార్ హీరో విక్టరీ వెంకటేష్ దగ్గుబాటితో పాటు చుట్టుపక్కల ఉన్న వారితో సీరియస్ చర్చకు దిగారు. కృనాల్ పాండ్యా చేతిని తిప్పుతున్న విధానాన్ని (Bowling Action) తన చేతులతో పదే పదే అనుకరిస్తూ.. “వాడు అసలు ఎలా బౌలింగ్ చేస్తున్నాడు? అది చకింగ్ (త్రో బౌలింగ్) లా ఉంది కదా! అంత బౌన్స్ ఎలా వస్తుంది?” అన్నట్లుగా తీవ్ర అసహనం మరియు ఆశ్చర్యాన్ని వ్యక్తం చేశారు. కావ్య మారన్ ముఖంలో కనిపించిన “అసలు వాడు ఏం బౌలింగ్ వేస్తున్నాడు భయ్యా?” అనే ఎక్స్‌ప్రెషన్ చూసి నెటిజన్లు ఫిదా అవుతున్నారు.

Kavya Maran reaction to Krunal Pandya bowling action was priceless 😭😂

She didn’t look happy with it.

That “yeh kya daal raha hai bhai?” expression was too funny 🤣 pic.twitter.com/WYPeU4Nbsj

— Rohan💫 (@rohann__45) May 22, 2026