అత్యంత ప్రజాదరణ పొందిన ఐపీఎల్ వంటి టోర్నీల్లో ఆటగాళ్లను లక్ష్యంగా చేసుకుని హనీ ట్రాప్ చేసే అవకాశాలు ఎక్కువగా ఉంటాయని బీసీసీఐ పేర్కొంది. హై-ప్రొఫైల్ క్రీడల్లో వ్యక్తులను లొంగదీసుకోవడానికి ఇటువంటి పద్ధతులు అనుసరిస్తారని, దీనివల్ల లైంగిక వేధింపుల వంటి తీవ్రమైన చట్టపరమైన చిక్కులు ఎదురయ్యే ప్రమాదం ఉందని హెచ్చరించింది. ఫ్రాంచైజీ యాజమాన్యాలు ఎప్పటికప్పుడు అప్రమత్తంగా ఉంటూ ఇటువంటి రిస్కులను నివారించాలని సూచించింది.

ప్రస్తుత సీజన్‌లో ఆటగాళ్ల హోటల్ గదుల్లోకి అనధికారిక వ్యక్తులు ప్రవేశించినట్లు యాంటీ కరప్షన్ యూనిట్ (ACSU) గుర్తించింది. దీనిని తీవ్రంగా పరిగణించిన బీసీసీఐ కొత్త నిబంధనలను (SOPs) అమలులోకి తెచ్చింది:

ఇటీవల రాజస్థాన్ రాయల్స్ కెప్టెన్ రియాన్ పరాగ్ డ్రెస్సింగ్ రూమ్‌లో వ్యాపింగ్ (Vaping) చేస్తూ పట్టుబడటంతో, బీసీసీఐ ఈ విషయంలో మరింత కఠినంగా వ్యవహరిస్తోంది. స్టేడియాలు, డ్రెస్సింగ్ రూమ్‌లు, హోటళ్లు, ప్రాక్టీస్ సెషన్లలో ఇ-సిగరెట్లు, వ్యాపింగ్ డివైజ్‌లు, నిషేధిత పదార్థాల వినియోగాన్ని పూర్తిగా నిషేధించింది.

మ్యాచ్ జరుగుతున్న సమయంలో ఫ్రాంచైజీ యజమానులు డగౌట్‌లోకి రావడం లేదా లైవ్ మ్యాచ్ మధ్యలో ఆటగాళ్లను కౌగిలించుకోవడం, వారితో భౌతికంగా ఇంటరాక్ట్ అవ్వడం వంటి పద్ధతులను కూడా బీసీసీఐ తప్పుబట్టింది. ఇది ఐపీఎల్ ప్రోటోకాల్‌కు విరుద్ధమని, ఆటపై ప్రభావం చూపే అవకాశం ఉందని స్పష్టం చేసింది.