కమర్షియల్ హంగులకు పెద్దపీట వేస్తూ తెరకెక్కుతున్న ఈ సినిమాలో ఓ స్పెషల్ సాంగ్ కోసం యంగ్ అండ్ గ్లామరస్ బ్యూటీ నభా నటేష్‌ను మేకర్స్ ఎంపిక చేసినట్లు సమాచారం. ఇస్మార్ట్ శంకర్ సినిమాతో కుర్రకారు గుండెల్లో గూడుకట్టుకున్న నభా.. ఈ స్పెషల్ సాంగ్‌లో తన గ్లామర్‌తో అలరించనుందని టాక్. అయితే, నభా నటేష్ కేవలం ఐటెం సాంగ్‌కే పరిమితం కాకుండా, ఈ సినిమాలో ఓ కీలకమైన అతిథి పాత్రలో (గెస్ట్ రోల్) కూడా కనిపించనుందట. కథలో భాగంగా వచ్చే రవితేజ – నభా నటేష్ కాంబినేషన్ సన్నివేశాలు ప్రేక్షకులను విశేషంగా ఆకట్టుకోనున్నాయని తెలుస్తోంది.

ఈ సినిమా కథ పట్ల రవితేజ అత్యంత విశ్వాసంతో ఉన్నారు. గతంలో ఆయన ఈ చిత్రం గురించి మాట్లాడుతూ.. “కొన్ని కథలు జీవితంలో సరైన సమయంలో మనల్ని ఎంచుకుంటాయి. అలాంటి ఒక అద్భుతమైన కథే ఈ ‘ఇరుముడి’. ఈ ప్రాజెక్టులో భాగం కావడం ఎంతో అదృష్టంగా భావిస్తున్నాను. ఈ కొత్త ప్రయాణంలో చాలా ఉత్సాహంగా ఉన్నాను” అని తన మనసులోని మాటను పంచుకున్నారు. రవితేజ మార్క్ ఎనర్జీకి, శివ నిర్వాణ మార్క్ సెంటిమెంట్ తోడైతే ఫలితం ఎలా ఉంటుందో ఈ చిత్రం నిరూపించనుందని ఫ్యాన్స్ ఆశిస్తున్నారు.

ఈ భారీ బడ్జెట్ చిత్రాన్ని టాలీవుడ్ అగ్ర నిర్మాణ సంస్థ ‘మైత్రీ మూవీ మేకర్స్’ (Mythri Movie Makers) అత్యంత ప్రతిష్టాత్మకంగా నిర్మిస్తోంది. ఈ సినిమాలో రవితేజ సరసన టాలెంటెడ్ బ్యూటీ ప్రియా భవానీ శంకర్ మెయిన్ హీరోయిన్‌గా నటిస్తోంది. చైల్డ్ ఆర్టిస్ట్ బేబీ నకాస్త్ర.. రవితేజకు కూతురిగా ఓ ఎమోషనల్ పాత్రలో కనిపించనుంది. కోలీవుడ్ స్టార్ మ్యూజిక్ డైరెక్టర్ జీవీ ప్రకాష్ కుమార్ ఈ చిత్రానికి స్వరాలు సమకూరుస్తున్నారు. త్వరలోనే నభా నటేష్ స్పెషల్ సాంగ్ చిత్రీకరణ ప్రారంభం కానుందని సినీ వర్గాల సమాచారం.