వర్ధన్, కృష్ణప్రియ జంటగా నటిస్తున్న బ్యూటిఫుల్ లవ్‌స్టోరీ ‘కాగితం పడవలు’. ఎంజీఆర్ తుకారాం రచన, దర్శకత్వంలో తెరకెక్కుతున్న ఈ చిత్రాన్ని ఎస్ఎల్ఎన్ సినీ క్రియేషన్స్, ప్రణధి క్రియేషన్స్, నవ నారాయణ సినీ క్రియేషన్స్ బ్యానర్లపై కీర్తన నరేష్, T.R. ప్రసాద్ రెడ్డి, వెంకట్రాజుల, గాయత్రమ్మ అంజనప్ప సంయుక్తంగా నిర్మిస్తున్నారు. ఇప్పటికే విడుదలైన సినిమా గ్లింప్స్, ట్రైలర్ ప్రేక్షకుల నుంచి మంచి స్పందనను అందుకున్నాయి. తాజాగా చిత్ర బృందం మరో పాటను విడుదల చేసింది. ఈ సందర్భంగా నిర్వహించిన సాంగ్ లాంచ్ కార్యక్రమంలో చిత్ర యూనిట్ సినిమా విశేషాలను పంచుకుంది.