ఉప ముఖ్యమంత్రిగా పరమేశ్వర ప్రమాణ స్వీకారం చెయ్యగా.. మరో 13 మంది మంత్రులుగా ప్రమాణం చేశారు. స్పీకర్ గా హెచ్కే పాటిల్ ఉండబోతున్నారు. కాంగ్రెస్ వర్కింగ్ కమిటీ సభ్యుడిగా సిద్ధరామయ్య ఉండబోతున్నారు.

ఈ కార్యక్రమానికి కాంగ్రెస్ ఢిల్లీ పెద్దలైన మల్లికార్జున ఖర్గే, రాహుల్ గాంధీ, కేసీ వేణుగోపాల్, తెలంగాణ నుంచి సీఎం రేవంత్ రెడ్డి, డీసీఎం భట్టి విక్రమార్క, కేరళ సీఎం తదితరులు హాజరయ్యారు. గవర్నర్ కార్యాలయం లోక్ భవన్‌లో చాలా సింపుల్‌గా ఈ కార్యక్రమం ఉండేలా డీకే ప్లాన్ చేసుకున్నారు.

శివకుమార్‌కి యడ్యూరప్ప, దేవెగౌడ తదితరులు శుభాకాంక్షలు చెప్పారు.

జననం: మే 15, 1962న రామనగర జిల్లా కనకపురలో వొక్కలిగ సామాజిక వర్గంలో జన్మించారు. విద్యార్థి దశలోనే యూత్ కాంగ్రెస్ ద్వారా క్రియాశీలక రాజకీయాల్లోకి అడుగుపెట్టారు.

రాజకీయ ప్రస్థానం: కనకపుర తదితర నియోజకవర్గాల నుంచి వరుసగా ఎనిమిది సార్లు ఎమ్మెల్యేగా విజయం సాధించి తన సత్తా చాటారు. 2020 నుంచి కేపీసీసీ అధ్యక్షుడిగా ఉంటూ, 2023 అసెంబ్లీ ఎన్నికల్లో పార్టీ అద్భుత విజయానికి కీలక పాత్ర పోషించారు.

అధికార బాధ్యతలు: గత సిద్ధరామయ్య ప్రభుత్వంలో ఉపముఖ్యమంత్రిగా, భారీ నీటిపారుదల, బెంగళూరు అభివృద్ధి శాఖల మంత్రిగా సమర్థవంతంగా పనిచేశారు. అధికార బదిలీ ఒప్పందంలో భాగంగా ఇప్పుడు సీఎం పీఠాన్ని అధిరోహిస్తున్నారు.

కీలక వ్యూహకర్త: కాంగ్రెస్ పార్టీ ఎదుర్కొన్న అనేక సంక్షోభాల్లో ఆయన ముందుండి నడిపించారు. ఆదాయపు పన్ను శాఖ, ఈడీ దాడులు, జైలు జీవితం వంటి అనేక సవాళ్లను ధైర్యంగా ఎదుర్కొని పార్టీకి విధేయుడిగా నిలబడిన నాయకుడు డీకే శివకుమార్.