థియేటర్లలో సక్సెస్ సాధించిన ‘లెనిన్’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ ZEE5 (జీ5) భారీ ధరకు దక్కించుకుంది. తాజాగా ఈ మూవీ స్ట్రీమింగ్ తేదీని అధికారికంగా ప్రకటించారు. ఆగస్టు 7వ తేదీ నుంచి ఈ సినిమా ZEE5 యాప్‌లో అందుబాటులోకి రానుంది. థియేటర్లలో ఈ మాస్ జాతరను మిస్ అయిన వారు, అలాగే మళ్లీ మళ్లీ చూడాలనుకునే ఫ్యామిలీ ఆడియన్స్ ఈ ఓటీటీ రిలీజ్ కోసం ఆసక్తిగా ఎదురుచూస్తున్నారు.

ఈ భారీ బడ్జెట్ చిత్రాన్ని టాలీవుడ్ అగ్ర నిర్మాణ సంస్థలు సితార ఎంటర్‌టైన్‌మెంట్స్, అన్నపూర్ణ స్టూడియోస్, మనం ఎంటర్‌ప్రైజెస్ బ్యానర్లపై నాగ వంశీ, కింగ్ నాగార్జున సంయుక్తంగా నిర్మించారు. ఈ సినిమాలో శివాజీ, ప్రమోద్ పంజు, ఈశ్వరీ రావు, సునీల్, రాంకీ, బ్రహ్మాజీ తదితరులు కీలక పాత్రలు పోషించి సినిమా విజయానికి తమ వంతు కృషి చేశారు. ఇక మ్యూజిక్ సెన్సేషన్ ఎస్. థమన్ అందించిన పాటలు చార్ట్‌బస్టర్స్‌గా నిలవగా, నేపథ్య సంగీతం (BGM) సినిమాను మరో స్థాయికి తీసుకెళ్లింది. ముఖ్యంగా యాక్షన్ బ్లాక్స్‌లో థమన్ ఇచ్చిన బీజీఎం థియేటర్లలో గూస్‌బంప్స్ తెప్పించింది. థియేట్రికల్ రన్‌లో ఫ్యామిలీ, మాస్ ఆడియన్స్‌ను విపరీతంగా ఆకట్టుకున్న ‘లెనిన్’, ఓటీటీలో ఏ మేర సక్సెస్ సాధిస్తుందనేది చూడాలి మరి.